Haal-e-poshida Khula Saman-e-ibrat Dekh Kar, Urdu Ghazal By Muneer Shikohabadi

Haal-e-poshida Khula Saman-e-ibrat Dekh Kar is a famous Urdu Ghazal written by a famous poet, Muneer Shikohabadi. Haal-e-poshida Khula Saman-e-ibrat Dekh Kar comes under the Love, Sad category of Urdu Ghazal. You can read Haal-e-poshida Khula Saman-e-ibrat Dekh Kar on this page of UrduPoint.

Urdu Poem English Poem

حال پوشیدہ کھلا سامان عبرت دیکھ کر

منیرؔ شکوہ آبادی

حال پوشیدہ کھلا سامان عبرت دیکھ کر

پڑھ لیا قسمت کا لکھا لوح تربت دیکھ کر

اس قدر بے خود ہوا آثار وحشت دیکھ کر

آئینہ سے نام پوچھا اپنی صورت دیکھ کر

دیکھیے محشر میں بھی صورت دکھائے یا نہیں

صبح بھاگی ہے شب ہجراں کی ظلمت دیکھ کر

جام کوثر دست ساقی میں نظر آیا مجھے

اٹھ گیا آنکھوں کا پردہ ابر رحمت دیکھ کر

رات دن کے مخمصے سے اے جنوں پائی نجات

ابلق ایام بھاگا میری وحشت دیکھ کر

تیرے کوچے میں ترا جلوہ نظر آیا مجھے

صانع جنت کو دیکھا باغ جنت دیکھ کر

منہ ہمارا جلوۂ دیدار کے لائق کہاں

اپنی صورت دیکھتے ہیں تیری صورت دیکھ کر

چار دیوار عناصر پر سفیدی پھر گئی

آنکھیں روشن ہو گئیں تیری صباحت دیکھ کر

وحشت دل حشر کے دن بھی رہے کاؤس طلب

کانٹے ڈھونڈھے ہم نے صحرائے‌ قیامت دیکھ کر

چہچہے بلبل کے آواز کف افسوس ہوں

رنگ گل اڑ جائے میرا داغ حسرت دیکھ کر

ابر ادھر آیا ادھر مے خواروں کا بیڑا ہے پار

کشتیٔ مے مول کے دریائے رحمت دیکھ کر

آنسو پونچھے یاد آیا جب جوانی کا مزا

آنکھیں ملتے رہ گئے ہم خواب راحت دیکھ کر

برہمن کعبہ میں آیا شیخ پہونچا دیر میں

لوگ بے وحدت ہوئے ہیں تیری کثرت دیکھ کر

ہر گھڑی آتی ہے کانوں میں یہ آواز جرس

کون دنیا سے سفر کرتا ہے ساعت دیکھ کر

نشہ کے اسباب تزئیں میں بھی نشہ ہے ضرور

میری آنکھیں چڑھ گئیں مے خانہ کی چھت دیکھ کر

اب نہیں نازک مزاجی سے توجہ کا دماغ

اے اجل آنا کبھی ہنگام فرصت دیکھ کر

وہ موحد ہوں نہ رکھا دوسرے سے اتحاد

روح نے چھوڑا بدن کو ضد وحدت دیکھ کر

خون بلبل سے مگر سینچا ہے باغ دہر کو

ہم لہو برساتے ہیں پھولوں کی رنگت دیکھ کر

تیرے بندے سر جھکاتے ہیں بتوں کے سامنے

سجدے کرتا ہوں الٰہی تیری قدرت دیکھ کر

زخمیٔ تیغ‌ تغافل پر نظر جمتی نہیں

چشم سوزن بند ہوتی ہے جراحت دیکھ کر

جی لگا کر یہ غزل کس طرح کہئے اے منیرؔ

بجھ گیا دل کوچ منزل کی عزیمت دیکھ کر

منیرؔ شکوہ آبادی

© UrduPoint.com

All Rights Reserved

Haal-e-poshida Khula Saman-e-ibrat Dekh Kar

Muneer Shikohabadi

haal-e-poshida khula saman-e-ibrat dekh kar
paDh liya qismat ka likkha lauh-e-turbat dekh kar

is qadar be-KHud hua aasar-e-wahshat dekh kar
aaina se nam puchha apni surat dekh kar

dekhiye mahshar mein bhi surat dikhae ya nahin
subah bhagi hai shab-e-hijran ki zulmat dekh kar

jam-e-kausar dast-e-saqi mein nazar aaya mujhe
uTh gaya aankhon ka parda abr-e-rahmat dekh kar

raat din ke maKHmase se ai junun pai najat
ablaq-e-ayyam bhaga meri wahshat dekh kar

tere kuche mein tera jalwa nazar aaya mujhe
sane-e-jannat ko dekha bagh-e-jannat dekh kar

munh hamara jalwa-e-didar ke laeq kahan
apni surat dekhte hain teri surat dekh kar

chaar diwar-e-anasir par safedi phir gai
aankhen raushan ho gain teri sabahat dekh kar

wahshat-e-dil hashr ke din bhi rahe kawus talab
kanTe DhunDhe hum ne sahra-e-qayamat dekh kar

chahchahe bulbul ke aawaz-e-kaf-e-afsos hon
rang-e-gul uD jae mera dagh-e-hasrat dekh kar

abr udhar aaya idhar mai-KHwaron ka beDa hai par
kashti-e-mai mol ke dariya-e-rahmat dekh kar

aansu ponchhe yaad aaya jab jawani ka maza
aankhen malte rah gae hum KHwab-e-rahat dekh kar

barahman kaba mein aaya shaiKH pahuncha dair mein
log be-wahdat hoe hain teri kasrat dekh kar

har ghaDi aati hai kanon mein ye aawaz-e-jaras
kaun duniya se safar karta hai saat dekh kar

nashsha ke asbab-e-tazin mein bhi nashsha hai zarur
meri aankhen chaDh gain mai-KHane ki chhat dekh kar

ab nahin nazuk-mizaji se tawajjoh ka dimagh
ai ajal aana kabhi hangam-e-fursat dekh kar

wo muwahhid hun na rakkha dusre se ittihad
ruh ne chhoDa badan ko zidd-e-wahdat dekh kar

KHun-e-bulbul se magar sincha hai bagh-e-dahr ko
hum lahu barsate hain phulon ki rangat dekh kar

tere bande sar jhukate hain buton ke samne
sajde karta hun ilahi teri qudarat dekh kar

zaKHmi-e-tegh-e-taghaful par nazar jamti nahin
chashm-e-sozan band hoti hai jarahat dekh kar

ji laga kar ye ghazal kis tarah kahiye ai 'munir'
bujh gaya dil kuch-e-manzil ki azimat dekh kar

(404) ووٹ وصول ہوئے

Related Poetry

You can read Haal-e-poshida Khula Saman-e-ibrat Dekh Kar written by Muneer Shikohabadi at UrduPoint. Haal-e-poshida Khula Saman-e-ibrat Dekh Kar is one of the masterpieces written by Muneer Shikohabadi. You can also find the complete poetry collection of Muneer Shikohabadi by clicking on the button 'Read Complete Poetry Collection of Muneer Shikohabadi' above.

Haal-e-poshida Khula Saman-e-ibrat Dekh Kar is a widely read Urdu Ghazal. If you like Haal-e-poshida Khula Saman-e-ibrat Dekh Kar, you will also like to read other famous Urdu Ghazal.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.