Id Ka Din, Urdu Nazam By Murtaza Sahil Tasleemi

Id Ka Din is a famous Urdu Nazam written by a famous poet, Murtaza Sahil Tasleemi. Id Ka Din comes under the Social category of Urdu Nazam. You can read Id Ka Din on this page of UrduPoint.

Urdu Poem English Poem

عید کا دن

مرتضیٰ ساحل تسلیمی

آج کا دن کیسا با رونق ہے بچو واہ واہ

مرد بوڑھے ہوں کہ بچے جا رہے ہیں عید گاہ

آج کا دن ہم نے پایا روزے رکھ کر ایک ماہ

روزہ داروں کے لئے اللہ کا انعام ہے

آج کا دن ہے خوشی کا عید جس کا نام

چاند دیکھا ہم نے کل سورج کے چھپ جانے کے بعد

چھپ گیا پھر وہ بھی جلدی جلوہ دکھلانے کے بعد

ہم نے چلا کر کہا مسجد سے گھر آنے کے بعد

عید کل ہی ہو رہی ہے اطلاع عام ہے

آج کا دن ہے خوشی کا عید جس کا نام ہے

نیند بھی آئے نہیں جاگے خوشی میں رات بھر

آنے والی صبح پر تھی بس تصور کی نظر

ہم نے کوشش بھی نہیں کی نیند کی یہ مان کر

رت جگے کے روز آخر نیند کا کیا کام ہے

آج کا دن ہے خوشی کا عید جس کا نام ہے

غسل کر کے آج پہنے ہم نے وہ کپڑے نئے

عید کے دن کے لئے ہی تھے جو سلوائے گئے

ساتھ میں ابو کے ہم بھی عید گاہ رخصت ہوئے

ہم نے دیکھا ہر زباں پر ذکر رب ہر گام ہے

آج کا دن ہے خوشی کا عید جس کا نام ہے

آج پھولوں کی طرح سب کے ہی چہرے تھے کھلے

دی مبارک باد ان کو بھی تھے کہ جن سے گلے

کوئی اپنا ہو پرایا ہو گلے سب سے ملے

میل ہو سب سے یہی تو مقصد اسلام ہے

آج کا دن ہے خوشی کا عید جس کا نام ہے

عید کا کھانا تھا سبحان اللہ کیسا لا جواب

تھیں سوئیاں قورمہ شیر اور بریانی کباب

ہم اٹھے خوش ذائقہ کھانوں سے ہو کر فیضیاب

ڈش سوئیوں کی بہت مرغوب خاص و عام ہے

آج کا دن ہے خوشی کا عید جس کا نام ہے

کوئی دولت مند انساں ہو کہ ہو کوئی غریب

کوئی رشتے دار ہمسایہ ہو یا کوئی رقیب

عید وہ ہے جس میں حاصل ہو خوشی سب کو نصیب

در حقیقت عید کا ساحلؔ یہی پیغام ہے

آج کا دن ہے خوشی کا عید جس کا نام ہے

مرتضیٰ ساحل تسلیمی

© UrduPoint.com

All Rights Reserved

Previous More Social Poetry Next

Murtaza Sahil Tasleemi Poetry in Urdu

Murtaza Sahil Tasleemi

Id Ka Din

Murtaza Sahil Tasleemi

aaj ka din kaisa ba-raunaq hai bachcho wah wah
mard buDhe hon ki bachche ja rahe hain eid-gah
aaj ka din hum ne paya roze rakh kar ek mah
roza-daron ke liye allah ka inam hai
aaj ka din hai KHushi ka id jis ka nam
chand dekha hum ne kal suraj ke chhup jaane ke baad
chhup gaya phir wo bhi jaldi jalwa dikhlane ke baad
hum ne chilla kar kaha masjid se ghar aane ke baad
id kal hi ho rahi hai ittilaa-e-am hai
aaj ka din hai KHushi ka id jis ka nam hai
nind bhi aae nahin jage KHushi mein raat bhar
aane wali subh par thi bas tasawwur ki nazar
hum ne koshish bhi nahin ki nind ki ye man kar
rat-jage ke roz aaKHir nind ka kya kaam hai
aaj ka din hai KHushi ka id jis ka nam hai
ghusl kar ke aaj pahne hum ne wo kapDe nae
id ke din ke liye hi the jo silwae gae
sath mein abbu ke hum bhi eid-gah ruKHsat hue
hum ne dekha har zaban par zikr-e-rab har gam hai
aaj ka din hai KHushi ka id jis ka nam hai
aaj phulon ki tarah sab ke hi chehre the khile
di mubarakbaad un ko bhi the ki jin se gile
koi apna ho paraya ho gale sab se mile
mel ho sab se yahi to maqsad-e-islam hai
aaj ka din hai KHushi ka id jis ka nam hai
id ka khana tha subhan-allah kaisa la-jawab
thin siwaiyan qorma shir aur biryani kabab
hum uThe KHush-zaeqa khanon se ho kar faizyab
Dish sewaiyon ki bahut marghub KHas-o-am hai
aaj ka din hai KHushi ka id jis ka nam hai
koi daulat-mand insan ho ki ho koi gharib
koi rishte-dar ham-saya ho ya koi raqib
id wo hai jis mein hasil ho KHushi sab ko nasib
dar-haqiqat id ka 'sahil' yahi paigham hai
aaj ka din hai KHushi ka id jis ka nam hai

Facebook Twitter Reddit Pinterest Whatsapp

(555) ووٹ وصول ہوئے

You can read Id Ka Din written by Murtaza Sahil Tasleemi at UrduPoint. Id Ka Din is one of the masterpieces written by Murtaza Sahil Tasleemi. You can also find the complete poetry collection of Murtaza Sahil Tasleemi by clicking on the button 'Read Complete Poetry Collection of Murtaza Sahil Tasleemi' above.

Id Ka Din is a widely read Urdu Nazam. If you like Id Ka Din, you will also like to read other famous Urdu Nazam.

You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.