Tujh Ko Gir Meri Zarorat Hai

تجھ کو گر میری ضرورت ہے

تجھ کو گر میری ضرورت ہے

تو پھر جان حیات

اپنے فرسودہ محبت کے خیالات بدل

ہجر و غم رنج و الم وصل و فراق

اس کٹھن وقت میں

بے جا سی شکایات نہ کر

دیکھ وہ سب بھی تو میں

دیکھ کہ پہنچا ہوں یہاں

جس کو تو دیکھ لے اک بار

تو تیری آنکھیں

عمر بھر سکتے کے عالم سے نہ نکل پائیں

دیکھ میں اس عجب مقام پہ

آنے سے قبل

ایسی راہوں سے گزر آیا ہوں

جہاں سے تو

ایک پل کو بھی جو گزرے

تو تیرے زخم پا

بن کے ناسور تجھے

درد میں رکھیں ہر دم

دیکھ میں چاہت و الفت کا تو قائل مگر

ہر ایک چیز ہر ایک رشتہ زمانے میں

محبت ہے مگر۔۔۔۔

دیکھ اس وقت میرے دیس میں

پھیلی ہوئی ہے

ہر طرف خون کی بارود کی

نفرت کی پھوار

سن ذرا کونے میں روتے ہوئے

بچے کی پکار

دیکھ بارود کے ہاتھوں سے یہ

لتھڑا ہوا جسم

دیکھ روزی کو بھٹکتا ہوا

بچوں کا وہ باپ

دیکھ پھر سو گئے

اس دیس کے بچے بھوکے

دیکھ اس ماں کی طرف دیکھ

کہ جس کی آنکھیں

نظریں کھو بیٹھی ہیں روتے ہوئے

اس آس پہ کہ

لوٹ آئے گا وہ اس کا

جوان لعل کبھی

گھر سے نکلا تھا جو

ہاتھوں میں ڈگریوں کو لئے۔۔۔

آج تک لوٹ کے آیا نہیں

عمریں بیتیں۔۔۔

مجھ کو یہ درد رکھا کرتے ہیں

نیندوں سے پرے۔۔۔۔

سوچ اس درد میں

چاہت کی کسے خواہش ہو

سوچ اس درد میں راحت کی

کسے خواہش ہو

مجھ کو جو کرنا ہے

وہ اب ان کے لئے کرنا ہے

مجھ کو جینا ہے تو بس

ان کے لئے جینا ہے

میں نے مانا کہ نہیں اور کوئی

تجھ سا حسیں۔۔۔

پر مجھے سوچ کی

اس لہر نے آ گھیرا ہے

جس سے چھٹکارا میری جان

اب ممکن ہی نہیں

تجھ کو گر میری ضرورت ہے

تو پھر جان حیات

اپنے فرسودہ محبت کے خیالات بدل

ہاتھ میں ہاتھ دے

اور پھر تو میرے ساتھ میں چل۔۔۔

ندیم گلانی

© UrduPoint.com

All Rights Reserved

(6832) ووٹ وصول ہوئے

Related Poetry

Your Thoughts and Comments

Tujh Ko Gir Meri Zarorat Hai by Nadeem Gullani - Read Nadeem Gullani's best Shayari Tujh Ko Gir Meri Zarorat Hai at UrduPoint. Here you can read the best poetry Tujh Ko Gir Meri Zarorat Hai of Nadeem Gullani. Tujh Ko Gir Meri Zarorat Hai is the most famous poetry by Nadeem Gullani. People love to read poetry by Nadeem Gullani, and Tujh Ko Gir Meri Zarorat Hai by Nadeem Gullani is best among the whole collection of poetry by Nadeem Gullani.

Nadeem Gullani is the most famous Urdu Poet. Therefore, people love to read Urdu Poetry of Nadeem Gullani. At UrduPoint, you can find the complete collection of Urdu Poetry of Nadeem Gullani. On this page, you can read Tujh Ko Gir Meri Zarorat Hai by Nadeem Gullani. Tujh Ko Gir Meri Zarorat Hai is the best poetry by Nadeem Gullani.

Read the Nadeem Gullani's best poetry Tujh Ko Gir Meri Zarorat Hai here at UrduPoint; you will surely like it. If we make a list of Nadeem Gullani's best Shayari, Tujh Ko Gir Meri Zarorat Hai of Nadeem Gullani will be at the top. Many people, who love the Urdu Shayari of Nadeem Gullani, regard it as the best poetry Tujh Ko Gir Meri Zarorat Hai of Nadeem Gullani.

We recommend you read the most famous poetry, Tujh Ko Gir Meri Zarorat Hai of Nadeem Gullani here, you will surely love it. Also, don't forget to share it with others.