Ain-ul-yaqin, Urdu Nazam By Nasreen Anjum Sethi
Ain-ul-yaqin is a famous Urdu Nazam written by a famous poet, Nasreen Anjum Sethi. Ain-ul-yaqin comes under the Love, Sad category of Urdu Nazam. You can read Ain-ul-yaqin on this page of UrduPoint.
عین الیقین
نسرین انجم سیٹھی
میں نے دکھ نہیں دیکھا
میں نے کچھ نہیں دیکھا
میں نے سکھ نہیں دیکھا
میں نے کچھ نہیں دیکھا
دنیا میری ہتھیلی سے باہر کیا رہی ہوگی میں نے دیکھا
زمین پر شاید سیلاب آیا تھا
میں نے دیکھا کہ دھوپ چونکی
اور بھاگ کر درختوں کی چوٹیوں پر چڑھ گئی اس کا رنگ فق تھا
اور اس کی عمر تیرہ برس سے زیادہ نہ تھی
سیلاب نے اس کے پاؤں چھو لئے اسے پھر بھی یقین نہیں آیا
جیسے کہہ رہی ہو
جاؤ مجھے اپنے یقینی پر کبھی یقین نہیں آیا
بے ایمان آدمی کی طرح
میں بے یقین ہوں
یہ لوگ کہانی سناتے سناتے رک جاتے ہیں
اور خاموشی کو سناتے سناتے رک جاتے ہیں
جیسے تیر آرزو ہوا اور پرندہ چھدے ہوئے ترچھے زاویے بنا کر
زن سے گزر گئے ہوں
اور جیسے ان سب کو ایک نظر میں سب نے دیکھ لیا ہو
جن سمندروں پر یہ پرندے گریں گے
وہاں بہت شور ہوگا
اور لوگ کہانیوں کو امانت کر کے دریا میں بہا دیتے ہوں گے
یہ لوگ تمباکو کے پتوں میں اپنے دل لپیٹ کر بو دیتے ہوں گے
رات نہائی ہوئی کبوتری کی طرح میری کھڑکی میں آ بیٹھتی ہے
اور دیتے سے باتیں کرنے لگتی ہے
میں منافقت کو چیر کر پار نکل جانا چاہتی ہوں
رات جو مقتولوں کے خون کو سیاہ اور سرد کر دیتی ہے
اور قاتلوں کو پناہ دیتی ہے
رات جو قاتلوں کو پناہ دیتی ہے کہ وہ اپنے ہاتھ دھو لیں
دن جو سلامتی پر لعنت بھیجتا ہے طلوع ہوتا ہے
اور رنگے ہوئے ہاتھوں کو پکڑ لیتا ہے
اور ان کے چہروں کو ننگا کر دیتا ہے جن کی آنکھوں میں
مرنے والوں کی شبیہیں جم گئیں ہوتی ہیں
تاکہ ہونے والے مقتول ان کا بدلہ لے سکیں
دن جو رات کو چاک کر کے طلوع ہوتا ہے
سر عام انہیں پھانسی کا اعلان کرتا ہے
سر عام اپنی سزا کا اعلان سنتا ہے
دن جس کو بچوں نے لباس کیا
اور سورج کھیل گئے
نسرین انجم سیٹھی
© UrduPoint.com
All Rights Reserved
Ain-ul-yaqin
Nasreen Anjum Sethi
main ne kuchh nahin dekha
main ne sukh nahin dekha
main ne kuchh nahin dekha
duniya meri hatheli se bahar kya rahi hogi main ne dekha
zamin par shayad sailab aaya tha
main ne dekha ki dhup chaunki
aur bhag kar daraKHton ki choTiyon par chaDh gai us ka rang faq tha
aur us ki umr terah baras se ziyaada na thi
sailab ne us ke panw chhu liye use phir bhi yaqin nahin aaya
jaise kah rahi ho
jao mujhe apne yaqini par kabhi yaqin nahin aaya
be-iman aadmi ki tarah
main be-yaqin hun
ye log kahani sunate sunate ruk jate hain
aur KHamoshi ko sunate sunate ruk jate hain
jaise tir-e-arzu hawa aur parinda chhide hue tirchhe zawiye bana kar
zan se guzar gae hon
aur jaise un sab ko ek nazar mein sab ne dekh liya ho
jin samundaron par ye parinde girenge
wahan bahut shor hoga
aur log kahaniyon ko amanat kar ke dariya mein baha dete honge
ye log tambaku ke patton mein apne dil lapeT kar bo dete honge
raat nahai hui kabutari ki tarah meri khiDki mein aa baiThti hai
aur dete se baaten karne lagti hai
main munafiqat ko chir kar par nikal jaana chahti hun
raat jo maqtulon ke KHun ko siyah aur sard kar deti hai
aur qatilon ko panah deti hai
raat jo qatilon ko panah deti hai ki wo apne hath dho len
din jo salamti par lanat bhejta hai tulua hota hai
aur range hue hathon ko pakaD leta hai
aur un ke chehron ko nanga kar deta hai jin ki aankhon mein
marne walon ki shabihen jam gain hoti hain
taki hone wale maqtul un ka badla le saken
din jo raat ko chaak kar ke tulua hota hai
sar-e-am unhen phansi ka elan karta hai
sar-e-am apni saza ka elan sunta hai
din jis ko bachchon ne libas kiya
aur suraj khel gae
(654) ووٹ وصول ہوئے
Related Nasreen Anjum Sethi Poetry
Related Poetry
More Nasreen Anjum Sethi Poetry
You can read Ain-ul-yaqin written by Nasreen Anjum Sethi at UrduPoint. Ain-ul-yaqin is one of the masterpieces written by Nasreen Anjum Sethi. You can also find the complete poetry collection of Nasreen Anjum Sethi by clicking on the button 'Read Complete Poetry Collection of Nasreen Anjum Sethi' above.
Ain-ul-yaqin is a widely read Urdu Nazam. If you like Ain-ul-yaqin, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.