Manajaat Bahazoor Rab E Kainaat

مناجات ۔۔۔ بحضورِ ربِ کائنات

خدایا ، مجھ کو سدا قربِ صالحین میں رکھ

میں پاک باز رہوں مجھ کو زاہدین میں رکھ

ملا ہے جو بھی مقدر سے، اس پہ راضی رہوں

مرا شمار ۔۔۔۔۔۔۔۔۔۔۔۔۔۔ سدا اپنے شاکرین میں رکھ

ہو دل میں خوف ترا ، پر سوا محبت ہو

الہیٰ مجھ کو محبّبین و خاشعین میں رکھ

ہر ایک رنج کو سہنے کی لذتیں ہوں عطا

تجھے پسند ہیں جو، اپنے صابرین میں رکھ

رہے زباں پہ ۔۔۔۔۔ سدا حرفِ حق، مرے معبود

ہو راہِ صدق عطا ، مجھ کو صادقین میں رکھ

بصد نیاز، بصد عجز ۔۔۔۔۔ تیرے در پہ جھکوں

تو راکعین میں رکھ مجھ کو، ساجدین میں رکھ

نجات دے مجھے ان وسوسوں سے وہموں سے

گماں سے دُور ۔۔۔۔۔۔۔۔۔ سدا سایہِ یقین میں رکھ

طلب جہاں کی ۔۔۔۔۔۔۔۔۔۔ نہ لالچ کوئی زمانے کا

عطا ہو فقر۔۔۔۔ مجھے اپنے راضعین میں رکھ

ترے ہی جلووں کی ہوں ناظرین یہ آنکھیں

ترا ہی ذکر سُنیں ، ایسے سامعین میں رکھ

ترے ہی نام سے ۔۔۔۔ یہ نطق مشک بار رہے

مری زباں کو ۔۔۔۔۔ فقط اپنے ذاکرین میں رکھ

قبول ہو مری ہر اک دعا ۔۔۔۔۔۔۔۔۔۔۔ مرے مالک

ہوں باریاب جو سجدے ، مری جبین میں رکھ

نسرین سید

© UrduPoint.com

All Rights Reserved

(1130) ووٹ وصول ہوئے

Your Thoughts and Comments

Urdu Nazam Poetry of Nasreen Syed, Manajaat Bahazoor Rab E Kainaat in Urdu. This famous Urdu Shayari is a Hamd, and the type of this Nazam is Islamic Urdu Poetry. Also there are 54 Urdu poetry collection of the poet published on the site. The average rating for this Urdu Shayari by our users is 4.8 out of 5 stars. Read the Islamic poetry online by the poet. You can also read Best Urdu Nazam and Top Urdu Ghazal of Nasreen Syed.