Kashmakash, Urdu Nazam By Professor Rasheed Hasrat

سوچ کے روتا ھوں یہ اکثر

کِتنے لوگ ہیں دِیوانے

ہیں ھوش سے اپنے بیگا نے

کوئی ھمدم ساتھ نہِیں ھے

ھاتھ میں اِن کے ھاتھ نہِیں ھے

راہ میں اِن کی تاریکی ھے

منزِل ان کی کوئی نہیں ھے

رُوح، جِگر، دِل، آنکھیں، سانسیں

خُونِ جِگر، زخموں کی باتیں

دوست کے ہِجر کا لمحہ لمحہ

نشتر شب کا لمحہ لمحہ

بیٹھ کے تنہائی میں رونا

اشکوں سے زخموں کا دھونا

سوچ کے روتا ھوں یہ اکثر

میں نے شِعر کا یہ سرمایہ

جِس کے دم سے ھے اپنایا

میرے حال سے ناواقف ھے

گِیت مرے اور نظمیں میری

جِس کی خاطِر غزلیں میری

میرے نام سے انجانا ھے

یا پِھر وہ بھی دِیوانہ ھے

یعنی ھوش سے بیگانہ ھے

کاش اُسے ہوش آ ہی جائے

میرے پاس وُہ لوٹ کے آئے

سوچ کے روتا ھوں یہ اکثر

اب وہ کیونکر لوٹ آئے گا

تارِیکی میں کیا پائے گا

دِل اپنوں کے تڑپائے گا؟

تارِیکی تقدِیر بنی ھے

اُجیالا بھی دل تڑپائے

لب پہ میرے جان بنی ھے

سانس مُرلیا تان بنی ھے

پرِیتم آ جا پرِیتم آ جا

کاش کِسی دِن پرِیتم آئے

میرے سب آنسُو پی جائے

سوچ کے روتا ھوں یہ اکثر