Ubaal, Urdu Nazam By Professor Rasheed Hasrat

گلیوں میں کُہرام مچا

ھے مہنگائی کا حشر بپا

یاں جنگل کا قانُون روا

اب جِینا بھی دُشوار ھؤا

کمزور قیادت مُردہ باد اے چور قیادت مُردہ باد

آٹا مہنگا دالیں مہنگی

چینی مہنگی مہنگا گھی

فہرست بناؤں کِس کِس کی

کیا فوج وزیروں کی اندھی؟

کم زور قیادت مُردہ باد اے چور قیادت مُردہ باد

غُربت دُور بھگائیں گے

اور خُوشحالی لے آئیں گے

یہ وعدوں پہ ترخائیں

بس زخم کُریدتے جائیں گے

کمزور قیادت مُردہ باد اے چور قیادت مُردہ باد

یہ لفظی محل بناتے ہیں

کب جھوٹ سے یہ شرماتے ہیں

حقدار کا حق کھا جاتے ہیں

اور ان داتا کہلاتے ہیں

کمزور قیادت مُردہ باد اے چور قیادت مُردہ باد  مزدور،  ملازم، دہقانو

اے دیس کے پیاسے کھلیانو

اے نام نِہاد حکمرانو

سرکار ھے ظالم پہچانو

کمزور قیادت مُردہ باد اے چور قیادت مُردہ باد

قانُون یہاں بِک جاتا ھے

جو قاتِل ھے اِتراتا ھے

پِھر بادل غم کا چھاتا ھے

پِھر درد سے دِل بھر آتا ھے

کمزور قیادت مُردہ باد اے چور قیادت مُردہ باد

نفرت سےدُور دھکیلتا ھے

یہ کون جو خُون سے کھیلتا ھے

جو یُوں زہراب اُنڈیلتا ھے

دکھ دہقاں، ہاری جھیلتا ھے

کمزور قیادت مُردہ باد اے چور قیادت مُردہ باد

کیا دوست وفا کا مُجھ سے گِلہ

ہے آگ، کہیں پر ھے ڈاکہ

ہر سمت ھے وحشت، سنّاٹا

پِھر گِیت میں پیار کے کیا گاتا

کمزور قیادت مُردہ بعد اے چور قیادت مُردہ باد

سرکار پہ یُوں شُبہات نہ کر

لب سی لے کوئی بات نہ کر

تُو اِظہارِ جذبات نہ کر

یوں ابتر تو حالات نہ کر

کمزور قیادت مُردہ باد اے چور قیادت مُردہ باد