Jo Parind KHwahishon Ke Kabhi Hum Shikar Karte, Urdu Ghazal By Quaiser Khalid

Jo Parind KHwahishon Ke Kabhi Hum Shikar Karte is a famous Urdu Ghazal written by a famous poet, Quaiser Khalid. Jo Parind KHwahishon Ke Kabhi Hum Shikar Karte comes under the Love, Sad category of Urdu Ghazal. You can read Jo Parind KHwahishon Ke Kabhi Hum Shikar Karte on this page of UrduPoint.

Urdu Poem English Poem

جو پرند خواہشوں کے کبھی ہم شکار کرتے

قیصر خالد

جو پرند خواہشوں کے کبھی ہم شکار کرتے

نہ گلا کسی سے رہتا نہ یہ دل فگار کرتے

وہ علاحدگی یقیناً نہ یوں اختیار کرتے

جو ذرا بھی انس ہم سے کبھی رکھتے، پیار کرتے

تھی خموشیٔ سلاسل کی بھی شرط اس لئے بھی

کہاں جا کے حشر برپا ترے جاں نثار کرتے

ہوئی اس قدر ندامت ہمیں کہہ کے حال دل خود

نہ تھا یہ ہمارا مقصد انہیں سوگوار کرتے

یہ فضائے بے یقیں ہی بنی ربط میں توازن

نہ یہ رسم و راہ رہتی اگر اعتبار کرتے

نہ اماں نصیب ہوتی تمہیں چار سو کبھی پھر

کہیں ہم روش تمہاری اگر اختیار کرتے

یہاں بارش ستم سے جو لگے تھے زخم ان کو

ہوئے بد حواس ایسے کہ کہاں شمار کرتے

نئے عاشقو بتاؤ یہ کہاں کی عاشقی ہے

کہیں جا کے دل لٹاتے کہیں جاں نثار کرتے

کبھی ملتے پھر نہ شاید کسی موڑ پر بھی دونوں

اسی راہ پر خطر پر اگر انتظار کرتے

یہ جھجھک رہ وفا میں، یہ شکایت تغافل

ہمیں دھڑکنوں میں پاتے اگر اعتبار کرتے

کبھی دیتی ہم کو مہلت جو یہ گردش زمانہ

ترے زور تمکنت پر تو ضرور وار کرتے

تری بے رخی پہ سر پر نہ اٹھاتے آسماں گر

یہ تو ہی بتا کہ کیا پھر ترے جاں نثار کرتے

یہی دل لگی تمہاری کسی آہ میں بدلتی

جو ہمارے زخم گنتے، کبھی غم شمار کرتے

نہ تھے ہم یگانہ ایسے کہ سوال اٹھتا کوئی

انہیں کیا غرض تھی ہم سے جو وہ انتظار کرتے

ہے یہ فخر جس پہ تم کو وہ سواد روشنی ہے

کبھی ظلمت زماں بھی کہیں تار تار کرتے

یہ جھجھک، لحاظ، رتبہ، یہ حدود، یہ توازن

کبھی حال دل بتاتے، کبھی اعتبار کرتے

سر راہ سب اترتے، مہ و فتاب و انجم

شب تار جگمگاتی اگر انتظار کرتے

وہ جو تھا عمل، اسی کا رد عمل ہے خالدؔ

نہ تو وہ شکار ہوتے نہ ہمیں شکار کرتے

قیصر خالد

© UrduPoint.com

All Rights Reserved

Jo Parind KHwahishon Ke Kabhi Hum Shikar Karte

Quaiser Khalid

jo parind KHwahishon ke kabhi hum shikar karte
na gila kisi se rahta na ye dil figar karte

wo ilahadgi yaqinan na yun iKHtiyar karte
jo zara bhi uns hum se kabhi rakhte, pyar karte

thi KHamoshi-e-salasil ki bhi shart is liye bhi
kahan ja ke hashr barpa tere jaan-nisar karte

hui is qadar nadamat hamein kah ke haal-e-dil KHud
na tha ye hamara maqsad unhen sogwar karte

ye faza-e-be-yaqin hi bani rabt mein tawazun
na ye rasm-o-rah rahti agar e'tibar karte

na aman nasib hoti tumhein chaar-su kabhi phir
kahin hum rawish tumhaari agar iKHtiyar karte

yahan barish-e-sitam se jo lage the zaKHm un ko
hue bad-hawas aise ki kahan shumar karte

nae aashiqo batao ye kahan ki aashiqi hai
kahin ja ke dil luTate kahin jaan nisar karte

kabhi milte phir na shayad kisi moD par bhi donon
isi rah-e-pur-KHatar par agar intizar karte

ye jhijhak rah-e-wafa mein, ye shikayat-e-taghaful
hamein dhaDkanon mein pate agar e'tibar karte

kabhi deti hum ko mohlat jo ye gardish-e-zamana
tere zor-e-tamkanat par to zarur war karte

teri be-ruKHi pe sar par na uThate aasman gar
ye tu hi bata ki kya phir tere jaan-nisar karte

yahi dil-lagi tumhaari kisi aah mein badalti
jo hamare zaKHm ginte, kabhi gham shumar karte

na the hum yagana aise ki sawal uThta koi
unhen kya gharaz thi hum se jo wo intizar karte

hai ye faKHr jis pe tum ko wo swad-e-raushni hai
kabhi zulmat-e-zaman bhi kahin tar tar karte

ye jhijhak, lihaz, rutba, ye hudud, ye tawazun
kabhi haal-e-dil batate, kabhi e'tibar karte

sar-e-rah sab utarte, mah-o-aftab-o-anjum
shab-e-tar jagmagati agar intizar karte

wo jo tha amal, usi ka radd-e-amal hai 'KHalid'
na to wo shikar hote na hamein shikar karte

(594) ووٹ وصول ہوئے

Related Poetry

You can read Jo Parind KHwahishon Ke Kabhi Hum Shikar Karte written by Quaiser Khalid at UrduPoint. Jo Parind KHwahishon Ke Kabhi Hum Shikar Karte is one of the masterpieces written by Quaiser Khalid. You can also find the complete poetry collection of Quaiser Khalid by clicking on the button 'Read Complete Poetry Collection of Quaiser Khalid' above.

Jo Parind KHwahishon Ke Kabhi Hum Shikar Karte is a widely read Urdu Ghazal. If you like Jo Parind KHwahishon Ke Kabhi Hum Shikar Karte, you will also like to read other famous Urdu Ghazal.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.