Mujh Say Mabhoot Ashiq, Urdu Nazam By Rafiq Sandeelvi
Mujh Say Mabhoot Ashiq is a famous Urdu Nazam written by a famous poet, Rafiq Sandeelvi. Mujh Say Mabhoot Ashiq comes under the Social category of Urdu Nazam. You can read Mujh Say Mabhoot Ashiq on this page of UrduPoint.
مجھ سا مبہوت عاشق
رفیق سندیلوی
کیسی مخلوق تھی
آگ میں اس کا گھر تھا
الاؤ کی حدت میں
مواج لہروں کو
اپنے بدن کی ملاحت میں
محسوس کرتی تھی
لیکن وہ اندر سے
اپنے ہی پانی سے ڈرتی تھی
کتنے ہی عشاق
اپنی جوانی میں
پانی میں
اک ثانیہ
اس کو چھونے کی خواہش میں
نیچے عمق میں بہت نیچے اترے
مگر پھر نہ ابھرے
سمندر نے منتھن سے
ان کے وجودوں کو ضم کر لیا
دودھیا جھاگ نے
اور کہنہ نمک نے
انہیں اپنی تیزابیت میں گھلایا
بھڑکتی ہوئی آگ نے
جزر و مد میں لپیٹا انہیں
سر سے پا تک جلایا
مگر کوئی شعلوں سے کندن سا
سیپوں سے موتی سا
باہر نہ آیا
وہ اب بھی سمندر میں
اٹھلاتی سطحوں کے نیلے بہاؤ میں
اپنے الاؤ میں
قصر زمرد میں تنہا بھٹکتی ہے
اک با آہ آب و آتش میں
رنگوں کی بارش میں
اب بھی وہ زلفیں جھٹکتی ہے
تو عود و عنبر کی مہکار آتی ہے
قطرات اڑ کر
دہن کتنے گھونگوں کا بھرتے ہیں
اس کی جھلک دیکھنے کے لئے
آج بھی لوگ مرتے ہیں
اب بھی یہاں کشتیوں آب دوزوں
جہازوں کے عرشوں پہ
اس کی ہی باتیں ہیں
دنیا کے سیاح
ساتوں سمندر کے ملاح
اس کے نہ ہونے پہ
ہونے پہ تکرار کرتے ہیں
اس کی کشش میں
بہت دور کے پانیوں میں
سفر کے لئے
خود کو تیار کرتے ہیں
میں بھی یہاں
مضطرب اور بے حال
خستہ و پارینہ تختے پہ بہتا ہوا
ایک خفتہ جزیرے کے نزدیک
کیا دیکھتا ہوں
کہ وہ ایک پتھر پہ بیٹھی ہے
پانی پہ طاری ہے
اک کیف سا
چاندنی کی لپک
اور ہوا کی مدھر لے پہ
مچھلی سا نیچے کا دھڑ اس کا
شفاف پانی میں ہلتا ہے
ابریشمیں نور میں
عکس سیماب سا
اس کے گلنا چہرہ پہ کھلتا ہے
اب دیکھیے
مجھ سا مبہوت عاشق
اسے اپنی آغوش میں کیسے بھرتا ہے
غرقاب ہوتا ہے
مرتا ہے
رفیق سندیلوی
© UrduPoint.com
All Rights Reserved
(1573) ووٹ وصول ہوئے
Related Rafiq Sandeelvi Poetry
More Rafiq Sandeelvi Poetry
خیمہ خواب کی طنابیں کھول
Rafiq Sandeelvi - رفیق سندیلوی
Kheema Khawab Ki Tanaben Khol
سحر تک اس پہاڑی کے عقب میں رو کے آتا ہوں
Rafiq Sandeelvi - رفیق سندیلوی
Sher Tak Iss Pahari K Aqab Main Roo K Ata Hoon
سمے ہو گیا
Rafiq Sandeelvi - رفیق سندیلوی
Samay Ho Gaya
لال بیگ اڑ گیا
Rafiq Sandeelvi - رفیق سندیلوی
Laal Bag Urr Gaya
جھکا ہوا ہے جو مجھ پر وجود میرا ہے
Rafiq Sandeelvi - رفیق سندیلوی
Jhuka Hova Hai Jo Mujh Par Wajood Mera Hai
مراتبِ وجود بھی عجیب ہیں
Rafiq Sandeelvi - رفیق سندیلوی
Muratib Wujood Bhi Ajeeb Hain
جاؤ اب روتے رہو
Rafiq Sandeelvi - رفیق سندیلوی
Jao Ab Rotay Raho
مگرمچھ نے مجھے نگلا ہوا ہے
Rafiq Sandeelvi - رفیق سندیلوی
Magarmach Ne Mujhe Ngla Howa Hai
You can read Mujh Say Mabhoot Ashiq written by Rafiq Sandeelvi at UrduPoint. Mujh Say Mabhoot Ashiq is one of the masterpieces written by Rafiq Sandeelvi. You can also find the complete poetry collection of Rafiq Sandeelvi by clicking on the button 'Read Complete Poetry Collection of Rafiq Sandeelvi' above.
Mujh Say Mabhoot Ashiq is a widely read Urdu Nazam. If you like Mujh Say Mabhoot Ashiq, you will also like to read other famous Urdu Nazam.
You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.