Tanhai, Urdu Nazam By Rahi Masoom Raza

Tanhai is a famous Urdu Nazam written by a famous poet, Rahi Masoom Raza. Tanhai comes under the Love, Sad category of Urdu Nazam. You can read Tanhai on this page of UrduPoint.

Urdu Poem English Poem

تنہائی

راہی معصوم رضا

آج اپنے کمرے میں

کس قدر اکیلا ہوں

شام کا دھندھلکا ہے

سوچتا ہوں گن ڈالوں

دوستوں کے ناخن سے

کتنے زخم کھائے ہیں

ان کی سمت سے دل پر

کتنے تیر آئے ہیں

چونک چونک اٹھتا ہوں

کھانسیوں کی آہٹ سے

کاش کچھ ہوا چلتی

کھڑکیوں کے پٹ ہلتے

تک رہا ہے آئینہ

شیشیوں کی صف چپ ہے

تو ہی بول تنہائی

وقت ہر طرف چپ ہے

کھڑکیوں کی آنکھوں سے

آسماں کو تکتا ہوں

آج اپنے کمرہ میں

کس قدر اکیلا ہوں

گھر کے سامنے اب بھی

ایک راستہ ہوگا

کوئی آ رہا ہوگا

کوئی جا رہا ہوگا

چھیڑتی ہی رہتی ہیں

اس خیال قربت کو

صد ہزار آوازیں

آتی ہیں عیادت کو

منہ سے خون آتا ہے

کتنی دور منزل ہے

دق کہ سرپھرے ناقد

کون میرا قاتل ہے

لفظوں کی دکانوں پر

جذبۂ صداقت کیا

خون دل دیا میں نے

خون دل کی قیمت کیا

اس پہ کچھ بزرگوں کی

مجرمانہ خاموشی

لائق نظارہ ہے

رفعتوں کی پستی بھی

رہبروں سے شکوہ ہے

شوق سے خفا ہوتے

ہاں مگر تغافل میں

جرأت آزما ہوتے

آج اپنے کمرہ میں

کس قدر اکیلا ہوں

صرف دل دھڑکتا ہے

ہاں میں پھر بھی زندہ ہوں

کیونکہ زندگی میری

عہد کی علامت ہے

انقلاب فردا کی

اک بڑی امانت ہے

میرے فن کی قندیلیں

ہیں دلوں کی راہوں پر

بجلیاں گراتی ہیں

یاس کی گھٹاؤں پر

ہونٹوں پر تبسم کے

کچھ دیئے جلاتی ہیں

رنگ و نور و نغمہ کے

کچھ پیام لاتی ہیں

لفظوں کے کٹوروں میں

روح عصر بھرتی ہیں

آج کے سوالوں کا

حل تلاش کرتی ہیں

جب تلک مہکتا ہے

گل کدہ مرے فن کا

اے یقین فصل گل

فکر جیب و دامن کیا

راہی معصوم رضا

© UrduPoint.com

All Rights Reserved

Tanhai

Rahi Masoom Raza

aaj apne kamre mein
kis qadar akela hun
sham ka dhundhlaka hai
sochta hun gin Dalun

doston ke naKHun se
kitne zaKHm khae hain
un ki samt se dil par
kitne tir aae hain

chaunk chaunk uThta hun
khansiyon ki aahaT se
kash kuchh hawa chalti
khiDkiyon ke paT hilte

tak raha hai aaina
shishiyon ki saf chup hai
tu hi bol tanhai
waqt har taraf chup hai

khiDkiyon ki aaankhon se
aasman ko takta hun
aaj apne kamre mein
kis qadar akela hun

ghar ke samne ab bhi
ek rasta hoga
koi aa raha hoga
koi ja raha hoga

chheDti hi rahti hain
is KHayal-e-qurbat ko
sad-hazar aawazen
aati hain ayaadat ko

munh se KHun aata hai
kitni dur manzil hai
diq ki sar-phire naqid
kaun mera qatil hai

lafzon ki dukanon par
jazba-e-sadaqat kya
KHun-e-dil diya main ne
KHun-e-dil ki qimat kya

is pe kuchh buzurgon ki
mujrimana KHamoshi
laeq-e-nazara hai
rifaton ki pasti bhi

rahbaron se shikwa hai
shauq se KHafa hote
han magar taghaful mein
jurat-azma hote

aaj apne kamre mein
kis qadar akela hun
sirf dil dhaDakta hai
han main phir bhi zinda hun

kyunki zindagi meri
ahd ki alamat hai
inqalab-e-farda ki
ek baDi amanat hai

mere fan ki qindilen
hain dilon ki rahon par
bijliyan giraati hain
yas ki ghaTaon par

honTon par tabassum ke
kuchh diye jalati hain
rang o nur o naghma ke
kuchh payam lati hain

lafzon ke kaToron mein
ruh-e-asr bharti hain
aaj ke sawalon ka
hal talash karti hain

jab talak mahakta hai
gul-kada mere fan ka
ai yaqin-e-fasl-e-gul
fikr-e-jeb-o-daman kya

(574) ووٹ وصول ہوئے

Related Poetry

You can read Tanhai written by Rahi Masoom Raza at UrduPoint. Tanhai is one of the masterpieces written by Rahi Masoom Raza. You can also find the complete poetry collection of Rahi Masoom Raza by clicking on the button 'Read Complete Poetry Collection of Rahi Masoom Raza' above.

Tanhai is a widely read Urdu Nazam. If you like Tanhai, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.