KHud-kushi, Urdu By Raja Mehdi Ali Khan

KHud-kushi is a famous Urdu written by a famous poet, Raja Mehdi Ali Khan. KHud-kushi comes under the Sad, Social category of Urdu . You can read KHud-kushi on this page of UrduPoint.

Urdu Poem English Poem

خودکشی

راجہ مہدی علی خاں

رحیم اللہ ہوا اچھا تو اس نے

یہ دیکھا ہو چکی ہے پارٹیشن

گئے کچھ بھاگ اور کچھ مر چکے ہیں

نہ نیتا سنگھ باقی ہے نہ بھیشن

سنے اس داستاں کے جب فسانے

تو غصے نے بنایا اس کو مجنوں

تڑپ اٹھا کہ لے کیسے وہ بدلہ

پیے ان کافروں کا کس طرح خوں

نہ کیوں کہلا سکا وہ مرد غازی

وہ اس غم میں کئی راتیں نہ سویا

شہادت ہی کا رتبہ اس کو ملتا

نہ جب یہ مل سکا وہ خوب رویا

یکا یک اس کے سب پلٹے خیالات

تو اس نے دامن اسلام چھوڑا

کنارہ کش ہوا سب بھائیوں سے

نئے مذہب سے رشتہ اپنا جوڑا

کئی دن بعد جب نکلا وہ گھر سے

تو اس کے منہ پہ داڑھی سر پہ تھے بال

نہالا سنگھ اب تھا نام اس کا

لیے کرپان وہ غصے سے تھا لال

ہزاروں خوں فشاں ارمان لے کے

کھڑا تھا آج وہ مسجد کے آگے

پکڑنے کے لیے اس کو نمازی

نمازیں چھوڑ کر مسجد سے بھاگے

لگا کر ایک نعرہ وحشت آلود

وہی کرپان جھٹ اس نے نکالی

لگا کر قہقہہ اس نے یہ کرپان

معاً سینے میں اپنے گھونپ ڈالی

نکالا پھر اسے سینے سے باہر

گلے پر زور سے اس کو پھرایا

اور اپنے جاں بحق ہونے سے پہلے

بیاں اپنا یہ رک رک کر سنایا

تمنا تھی کہ اک سکھ میں بھی ماروں

یہ پوری تو نے کی اللہ تعالی

بہت خوش ہوں رحیم اللہ خاں نے

نہالا سنگھ جی کو مار ڈالا

راجہ مہدی علی خاں

© UrduPoint.com

All Rights Reserved

KHud-kushi

Raja Mehdi Ali Khan

rahimullah hua achchha to us ne
ye dekha ho chuki hai partition
gae kuchh bhag aur kuchh mar chuke hain
na neta-singh baqi hai na bhishan
sune is dastan ke jab fasane
to ghusse ne banaya us ko majnun
taDap uTTha ki le kaise wo badla
piye in kafiron ka kis tarah KHun
na kyun kahla saka wo mard-e-ghazi
wo is gham mein kai raaten na soya
shahadat hi ka rutba us ko milta
na jab ye mil saka wo KHub roya
yaka-yak us ke sab palTe KHayalat
to us ne daman-e-islam chhoDa
kinara-kash hua sab bhaiyon se
nae mazhab se rishta apna joDa
kai din ba'd jab nikla wo ghar se
to us ke munh pe daDhi sar pe the baal
nihaala-singh ab tha nam us ka
liye kirpan wo ghusse se tha lal
hazaron KHun-fishan arman le ke
khaDa tha aaj wo masjid ke aage
pakaDne ke liye us ko namazi
namazen chhoD kar masjid se bhage
laga kar ek nara wahshat-alud
wahi kirpan jhaT us ne nikali
laga kar qahqaha us ne ye kirpan
man sine mein apne ghonp Dali
nikala phir use sine se bahar
gale par zor se us ko phiraya
aur apne jaan-ba-haq hone se pahle
bayan apna ye ruk ruk kar sunaya
tamanna thi ki ek sikh main bhi marun
ye puri tu ne ki allah-taala
bahut KHush hun rahimullah-KHan ne
nihaala-singh-ji ko mar Dala

(706) ووٹ وصول ہوئے

You can read KHud-kushi written by Raja Mehdi Ali Khan at UrduPoint. KHud-kushi is one of the masterpieces written by Raja Mehdi Ali Khan. You can also find the complete poetry collection of Raja Mehdi Ali Khan by clicking on the button 'Read Complete Poetry Collection of Raja Mehdi Ali Khan' above.

KHud-kushi is a widely read Urdu . If you like KHud-kushi, you will also like to read other famous Urdu .

You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.