Yaqinan Hai Koi Mah-e-munawwar Pichhe Chilman Ke, Urdu Ghazal By Ranjoor Azimabadi
Yaqinan Hai Koi Mah-e-munawwar Pichhe Chilman Ke is a famous Urdu Ghazal written by a famous poet, Ranjoor Azimabadi. Yaqinan Hai Koi Mah-e-munawwar Pichhe Chilman Ke comes under the Love, Sad category of Urdu Ghazal. You can read Yaqinan Hai Koi Mah-e-munawwar Pichhe Chilman Ke on this page of UrduPoint.
یقیناً ہے کوئی ماہ منور پیچھے چلمن کے
رنجور عظیم آبادی
یقیناً ہے کوئی ماہ منور پیچھے چلمن کے
کہ اس کی پتلیوں سے آ رہا ہے نور چھن چھن کے
قدم کیوں کر نہ لوں بت خانے میں اک اک برہمن کے
کہ آیا ہوں یہاں میں شوق میں اک بت کے درشن کے
نہ کیوں آئینہ وہ دیکھا کریں ہر وقت بن بن کے
زمانہ ہے یہ خود بینی کا دن ہیں ان کے جوبن کے
یہ ہیں سامان آرائش جنوں میں اپنے مسکن کے
ادھر ٹکڑے گریباں کے ادھر پرزے ہیں دامن کے
ہمارے دست وحشت کب ہیں نچلے بیٹھنے والے
اڑا لیں گے نہ سارے تار جب تک جیب و دامن کے
ہماری خانہ ویرانی کی دھن کیوں باغباں کو ہے
ہمارے پاس کیا ہے چار تنکے ہیں نشیمن کے
ہمارے یار کی قیمت کو کیا تم نے نہیں دیکھا
کھڑے ہو سرو شمشاد و صنوبر! تم جو جیوں تن کے
زمانے میں کوئی ہوگا کہ بگڑی اس کی بنتی ہو
ہمارے کھیل تو سارے بگڑ جاتے ہیں بن بن کے
کوئی خورشید سیما آ رہا ہے فاتحہ پڑھنے
ضرورت شمع کی اب کیا سرہانے میرے مدفن کے
خبر لے اب ذرا اپنی صفائی قلب کی زاہد
گنے گا داغ کب تک تو مرے آلودہ دامن کے
زباں سے کہنے سے حاصل کہ تجھ سے انس ہے مجھ کو
سمجھتا ہے مرا دل خوب اشارے تیرے چتون کے
جو وا بھی ہو قفس کا در تو ہم اس سے نہ ہوں باہر
نہیں دل میں ہمارے ولولے اب سیر گلشن کے
گریباں چاک آنکھیں سرخ برہم کاکل پیچاں
یہ کیا صورت بنائی ہائے تم نے غم میں دشمن کے
مرا ہوں اک بت غارت گر دیں کی محبت میں
کفن میرا سلے تاروں سے زنار برہمن کے
خزاں اور نغمے شادی کے بہار آئے تو گا لینا
یہ دن تو اے عنادل ہیں تمہارے شور و شیون کے
جو ہو باران رحمت مزرع اغیار کے حق میں
وہی برق غضب ہو آہ حق میں میرے خرمن کے
دل ناداں کی ہے کیا اصل اگر بقراط بھی ہوتا
تو آتا وہ بھی دم میں اس بت عیار و پر فن کے
حسینان جہاں کے ڈھنگ دنیا سے نرالے ہیں
کہ ہوتے ہیں یہ دشمن دوست کے اور دوست دشمن کے
انہیں ہرگز یہ دل اپنا کہ شیشے سے بھی نازک ہے
نہ دیں گے ہم کہ ان میں ڈھنگ ابھی تک ہیں لڑکپن کے
غم دنیا و دیں سے اب کہاں دم بھر کی بھی مہلت
ہماری فارغ البالی سدھاری ساتھ بچپن کے
گیا تھا رات واعظ میکدے میں وعظ کہنے کو
مگر نکلا وہ کوئی شے چھپائے نیچے دامن کے
نہ جانیں اس میں تھی کیا مصلحت صناع بے چوں کی
دل ان سیمیں تنوں کے کیوں بنائے سنگ و آہن کے
اگر غفلت کا پردہ دور ہو انساں کی آنکھوں سے
نظر آئیں مناظر ہر جگہ وادی و ایمن کے
تغافل کج ادائی بے وفائی عاشق زاری
بتوں کو کیا نہیں آتا یہ ہیں استاد ہر فن کے
اگر مجھ سے جدا ہونے کی تو نے ٹھان ہی لی ہے
جدائی ڈال پہلے درمیاں میرے سر و تن کے
اگر عشاق کے مقسوم میں تھا صدمۂ ہجراں
بنائے جاتے ان کے دل بھی یارب سنگ و آہن کے
وہ روٹھے ہیں تو گو مشکل نہیں ان کا منا لینا
مگر کب تک مناؤں روٹھ جاتے ہیں وہ من من کے
تمہاری مانگ اب کیا مانگتی ہے نقد دل مجھ سے
وہ ہے مدت سے قبضے میں تمہاری چشم رہزن کے
عبث اس دھن میں مہر و ماہ کھاتے پھرتے ہیں چکر
کہ ہو ان کو فروغ آگے تمہارے روئے روشن کے
غرض شاید یہ ہے رنجورؔ قبل از موت مر جائے
چلے ہو تم جو یوں بہر عیادت آج بن ٹھن کے
رنجور عظیم آبادی
© UrduPoint.com
All Rights Reserved
Yaqinan Hai Koi Mah-e-munawwar Pichhe Chilman Ke
Ranjoor Azimabadi
ki us ki putliyon se aa raha hai nur chhan chhan ke
qadam kyun-kar na lun but-KHane mein ek ek barhaman ke
ki aaya hun yahan main shauq mein ek but ke darshan ke
na kyun aaina wo dekha karen har waqt ban ban ke
zamana hai ye KHud-bini ka din hain un ke jauban ke
ye hain saman-e-araish junun mein apne maskan ke
udhar TukDe gareban ke idhar purze hain daman ke
hamare dast-e-wahshat kab hain nichle baiThne wale
uDa lenge na sare tar jab tak jeb-o-daman ke
hamari KHana-virani ki dhun kyun baghban ko hai
hamare pas kya hai chaar tinke hain nasheman ke
hamare yar ki qimat ko kya tum ne nahin dekha
khaDe ho sarw shamshad o sanobar! tum jo jiyun tan ke
zamane mein koi hoga ki bigDi us ki banti ho
hamare khel to sare bigaD jate hain ban ban ke
koi KHurshid-sima aa raha hai fatiha paDhne
zarurat shama ki ab kya sirhane mere madfan ke
KHabar le ab zara apni safai qalb ki zahid
ginega dagh kab tak tu mere aaluda daman ke
zaban se kahne se hasil ki tujh se uns hai mujh ko
samajhta hai mera dil KHub ishaare taire chitwan ke
jo wa bhi ho qafas ka dar to hum us se na hon bahar
nahin dil mein hamare walwale ab sair-e-gulshan ke
gareban chaak aankhen surKH barham kakul-e-pechan
ye kya surat banai hae tum ne gham mein dushman ke
mara hun ek but-e-ghaarat-gar-e-din ki mohabbat mein
kafan mera sile taron se zunnar-e-barhaman ke
KHizan aur naghme shadi ke bahaar aae to ga lena
ye din to ai anadil hain tumhaare shor-o-shewan ke
jo ho baran-e-rahmat mazra-e-aghyar ke haq mein
wahi barq-e-ghazab ho aah haq mein mere KHirman ke
dil-e-nadan ki hai kya asl agar buqraat bhi hota
to aata wo bhi dam mein us but-e-ayyar-o-pur-fan ke
hasinan-e-jahan ke Dhang duniya se nirale hain
ki hote hain ye dushman dost ke aur dost dushman ke
unhen hargiz ye dil apna ki shishe se bhi nazuk hai
na denge hum ki un mein Dhang abhi tak hain laDakpan ke
gham-e-duniya-o-din se ab kahan dam bhar ki bhi mohlat
hamari farigh-ul-baali sudhaari sath bachpan ke
gaya tha raat waiz mai-kade mein waz kahne ko
magar nikla wo koi shai chhupae niche daman ke
na jaanen us mein thi kya maslahat sanna be-chun ki
dil un simin-tanon ke kyun banae sang-o-ahan ke
agar ghaflat ka parda dur ho insan ki aankhon se
nazar aaen manazir har jagah wadi-o-aiman ke
taghaful kaj-adai bewafai aashiq-e-zari
buton ko kya nahin aata ye hain ustad har fan ke
agar mujh se juda hone ki tu ne Than hi li hai
judai Dal pahle darmiyan mere sar o tan ke
agar ushshaq ke maqsum mein tha sadma-e-hijran
banae jate un ke dil bhi ya-rab sang-o-ahan ke
wo ruThe hain to go mushkil nahin un ka mana lena
magar kab tak manaun ruTh jate hain wo man man ke
tumhaari mang ab kya mangti hai naqd-e-dil mujh se
wo hai muddat se qabze mein tumhaari chashm-e-rahzan ke
abas is dhun mein mahr-o-mah khate phirte hain chakkar
ki ho un ko farogh aage tumhaare ru-e-raushan ke
gharaz shayad ye hai 'ranjur' qabl-az-maut mar jae
chale ho tum jo yun bahr-ayaadat aaj ban-Than ke
(646) ووٹ وصول ہوئے
Related Ranjoor Azimabadi Poetry
More Ranjoor Azimabadi Poetry
میں اور ہم آغوش ہوں اس رشک پری سے
Ranjoor Azimabadi - رنجور عظیم آبادی
Main Aur Ham-aghosh Hun Us Rashk-e-pari Se
ہوتا ہے صاف روئے کتابی سے یہ عیاں (ردیف .. ے)
Ranjoor Azimabadi - رنجور عظیم آبادی
Hota Hai Saf Ru-e-kitabi Se Ye Ayan
اگر چلمن کے باہر وہ بت کافر ادا نکلے
Ranjoor Azimabadi - رنجور عظیم آبادی
Agar Chilman Ke Bahar Wo But-e-kafir-ada Nikle
یقیناً ہے کوئی ماہ منور پیچھے چلمن کے
Ranjoor Azimabadi - رنجور عظیم آبادی
Yaqinan Hai Koi Mah-e-munawwar Pichhe Chilman Ke
دیتا ہے مجھ کو چرخ کہن بار بار داغ
Ranjoor Azimabadi - رنجور عظیم آبادی
Deta Hai Mujhko Charkh-e-kuhan Bar Bar Dagh
بتوں میں کس بلا کی ہے کشش اللہ ہی جانے
Ranjoor Azimabadi - رنجور عظیم آبادی
Buton Mein Kis Bala Ki Hai Kashish Allah Hi Jaane
ہو رہے ہیں نت نئے قانون جاری ان دنوں
Ranjoor Azimabadi - رنجور عظیم آبادی
Ho Rahe Hain Nit Nae Qanun Jari In Dinon
سودائے سجدہ شام و سحر میرے سر میں ہے
Ranjoor Azimabadi - رنجور عظیم آبادی
Sauda-e-sajda Sham-o-sahar Mere Sar Mein Hai
You can read Yaqinan Hai Koi Mah-e-munawwar Pichhe Chilman Ke written by Ranjoor Azimabadi at UrduPoint. Yaqinan Hai Koi Mah-e-munawwar Pichhe Chilman Ke is one of the masterpieces written by Ranjoor Azimabadi. You can also find the complete poetry collection of Ranjoor Azimabadi by clicking on the button 'Read Complete Poetry Collection of Ranjoor Azimabadi' above.
Yaqinan Hai Koi Mah-e-munawwar Pichhe Chilman Ke is a widely read Urdu Ghazal. If you like Yaqinan Hai Koi Mah-e-munawwar Pichhe Chilman Ke, you will also like to read other famous Urdu Ghazal.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.