Jahan Main Jiss Ki Shohrat Kobaku Hai

جہاں میں جس کی شہرت کو بہ کو ہے

جہاں میں جس کی شہرت کو بہ کو ہے

وہ مجھ سے آج محو گفتگو ہے

رہا آباد خوابوں میں جو اب تک

خوشا قسمت کہ اب وہ روبرو ہے

کبھی وہ پیار سے اک پھول لائے

بہت دن سے مری یہ آرزو ہے

نہیں آتا غزل میں نام کوئی

تعلق اس قدر با‌ آبرو ہے

مرا احساس جس سے ہے معطر

وہی خوشبو تو میرے چار سو ہے

سراپا میرا جو ہے اتنا رنگیں

یہ اس کی یاد کا ہی رنگ و بو ہے

جہاں کل تک تھا مایوسی کا صحرا

وہاں امید کی اک آب جو ہے

وہ آوازیں جو دل میں گونجتی ہیں

مری انفاس کی وہ ہاؤ ہو ہے

مجھے لے جائے جو منزل کی جانب

اب ایسے کارواں کی جستجو ہے

مرا ظاہر نظر آتا ہے جیسا

مرا باطن بھی ویسا ہو بہ ہو ہے

سبیلہؔ سوچ اتنی پاک رکھی

ہر اک مضمون میرا با وضو ہے

سبیلہ انعام صدیقی

© UrduPoint.com

All Rights Reserved

(334) ووٹ وصول ہوئے

Your Thoughts and Comments

Urdu Nazam Poetry of Sabeela Inam Siddiqui, Jahan Main Jiss Ki Shohrat Kobaku Hai in Urdu. This famous Urdu Shayari is a Ghazal, and the type of this Nazam is Love, Sad, Social, Friendship, Bewafa, Heart Broken, Hope Urdu Poetry. Also there are 23 Urdu poetry collection of the poet published on the site. The average rating for this Urdu Shayari by our users is 4.1 out of 5 stars. Read the Love, Sad, Social, Friendship, Bewafa, Heart Broken, Hope poetry online by the poet. You can also read Best Urdu Nazam and Top Urdu Ghazal of Sabeela Inam Siddiqui.