Wo Hasti Lafaani

وہ ہستیٴ لافانی

کرے جو نیست کو ہست ، ہست کو نیست

مرا محبوب ہے وہ ، اک ہستیٴ لافانی

وہ جسکی خلقت میں توازن و ترتیبِ کمال

وہ نورٌ علیٰ نور ، وہ ذاتِ جاودانی

جسطرح طلبگار ہیں ہم نظرِ کرم کے اسکی

بعینہ ہے محوِ حمد ہر ذرئہ جائے فانی

کیا جو یاں عشقِ مجازی تو کیا کیا صاحب؟

منزلِ عشقِ حقیقی تو ہے جلوئہ رحمانی

ہوا مقبول تو ہوئی نظر کرم یاں بھی، وہاں بھی

ہوا مردود تو ٹھہرا فقط اک لاشائے بے جانی

یہ دنیا ہے پیارے ہر روز نئی دنیا

اس عارضی محفل میں ناپید ہے آسانی

اس بحرِ طلاطم خیز سے نکلے گی کہاں ناوٴ؟

یہ بحر بھی ہے فانی ، یہ ناوٴ بھی ہے فانی

در عالمِ درد و الم ، دورِ ہجر و زلازل

یہ ہتھیارِ دعا ہے کہ اک خنجرِ طوفانی؟

سیوفِ ظلم و ستم ، جور و جفا کے مقابل

دعا اس شخص کی ہے اک نیزئہ لاثانی

اس حالِ پریشاں میں ، اس فرقتِ جاناں میں

محسوس ہوئی مجھ کو اک نصرتِ انجانی

حاصل رہی جو ہر کام میں برگزیدوں کو

خوشا نصیب! ملے جو ہم کو بھی وہ عونِ آسمانی

ایسے جی کر بھی بھلا کیونکر ملے ہم کو راحت؟

جس میں نہ ملے ہم کو وہ الفتِ یارانی

فصلِ یقین و ایماں تمہیں بھی ہو حاصل

گر قلب تمہارا ہو اک کرّئہ بارانی

کامیابی کے واسطے بس ایک ہی رستہ ہے لطیف

ہو نفئی نفاق دل سے اور ہو فضلِ یزدانی

صادق احمد لطیف

© UrduPoint.com

All Rights Reserved

(820) ووٹ وصول ہوئے

Your Thoughts and Comments

Urdu Nazam Poetry of Sadiq Ahmed Lateef, Wo Hasti Lafaani in Urdu. This famous Urdu Shayari is a Nazam, and the type of this Nazam is Social Urdu Poetry. Also there are 1 Urdu poetry collection of the poet published on the site. The average rating for this Urdu Shayari by our users is 4.1 out of 5 stars. Read the Social poetry online by the poet. You can also read Best Urdu Nazam and Top Urdu Ghazal of Sadiq Ahmed Lateef.