Sare Ovtaar Sab Anbiya Aik Taraf

سارے اوتار سب انبیاء اک طرف

سارے اوتار سب انبیاء اک طرف

مثلِ خورشید ہے مصطفیٰ اک طرف

اوجِ ہستی ہے وہ آمنہ کا پسر

جسکا ہر زاویہ نور ہے سر بسر

نور وہ جسکا کوئی کنارہ نہیں

اسکے لائق کوئی استعارہ نہیں

سب زمان و زمیں کی رگِ جاں ہے وہ

ہر ولا کے سفر میں درخشاں ہے وہ

جس کے قدموں میں محور مہ و مہر کا

جس کے ہونے سے ہونا ہوا دہر کا

ابتدا سے الگ، انتہا سے الگ

مرتبہ اسکا سب انبیاء سے الگ

آپ عشقِ الٰہی کی تمثیل وہ

دو جہاں کیلئے مثلِ قندیل وہ

گر نصیبِ زمیں رشکِ افلاک ہے

اسکی نسبت ہی سب زینتِ خاک ہے

آپ اوّل سخی کی سخاوت ہے وہ

دو جہاں کیلئے وجہِ رحمت ہے وہ

کب یہ دل نعتِ احمؐد کا شائق نہیں

بس کہ حرف و قلم اسکے لائق نہیں

سعید خان

© UrduPoint.com

All Rights Reserved

(1986) ووٹ وصول ہوئے

Your Thoughts and Comments

Urdu Nazam Poetry of Saeed Khan, Sare Ovtaar Sab Anbiya Aik Taraf in Urdu. This famous Urdu Shayari is a Naat, and the type of this Nazam is Islamic Urdu Poetry. Also there are 34 Urdu poetry collection of the poet published on the site. The average rating for this Urdu Shayari by our users is 5 out of 5 stars. Read the Islamic poetry online by the poet. You can also read Best Urdu Nazam and Top Urdu Ghazal of Saeed Khan.