Darwaza Pette Bhasam Hote Loog, Urdu Nazam By Safia Hayat

ھماری زمین

درد کے بیج اگانے کے لئے

بھت زرخیز ھے۔

یہ پل بھر میں اگتے اور تناور ھو کر

درد کے پتوں ،

کرب کے پھولوں سے بھر جاتے ہیں۔

ھمارے ہاں طمانیت کےلئے

موسم سازگار نہیں۔

ہمیں کرلانے کی عادت

بچپن سے ڈال دی جاتی ھے۔

یہ کہکر کہ مخلوق کی گریہ زاری

ہنسی سے بہتر بھاوء بکتی ھے۔

نومولود کے کان میں

یہ بات ڈال دی جاتی ھے۔

تمھیں مرنے تک صرف رونا ھے۔

اور وہ چھوٹے قدموں سے

بھاگنے تک

مسکراتے چہروں کو نوچتا

تیزاب جیسا کھارا پانی

انکے چہروں پہ انڈیلتا

مسخ سازی سیکھتا ھے۔

اور

دوسری زمینوں سے آئے لوگ

انکے پیلاہٹ زدہ ھڈیوں کے ڈھانچے دیکھکر

واپسی کی راہ لیتے ھیں۔

وہ بھانپ لیتے ہیں

کہ۔۔۔۔

اس خطے میں

پھولوں اور خوشبووءں کی ایکسپورٹ پہ پابندی ھے۔

یہاں صرف سفید ٹوپیاں

مناجات کے دھاگے اور منکے بنتے ہیں۔

لوگ وحشت زدہ

لاوءڈ سپیکر کے پکارنے پر بھاگتے ہیں۔

انکی روحیں

کسی پاکیزہ جزیرہ کی تلاش میں

سرگرداں پھرتی مرجاتی ہیں۔

آسماں سے اب نہ پتھر گرتے ھیں۔

نہ پرندے آتے ہیں۔

کالے اور گورے بقاء کے سفر پہ گامزن ہیں

گندمی لوگ من کے سراغ چھوڑ کر

مذہب کا دروازہ پیٹتے بھسم ھورھے ہیں