Dewata Ki Talash, Urdu Nazam By Safia Hayat

کوئی جانتا ھے۔۔۔۔۔؟

وہ کون ھے۔۔۔؟

جوآنکھوں کی چلمنوں کو بجھا دیتا ھے۔

نیند میں سپنوں کو بے گھر کر کے

ٹوٹے جوتوں کے ساتھ

کانٹوں پہ چلاتا ۔

خواہش کے گھر کو آن کی آن میں

جلا کر راکھ کر دیتا ھے۔

وہ اقربا پرور

سرمایہ داروں کو سسکتے لڑ کھڑاتے

کیڑے مکوڑوں کا خوں بھر بھر جام پلاتا ھے۔

پلی پلائی سانڈ جونکیں

چن چن کے جوانیاں شکار کر کے

مار کیٹوں میں فروخت کرکے

تجوریوں کو حاملہ ھوتے

بچے جنتا دیکھتے

مکروہ ہنسی کے غباروں میں

فلک شگاف قہقہوں سے ھوا بھرتی ھیں۔

کونپلوں کو پھول بننے سے

پہلے ھی مسل دیا جاتا ھے۔

جبر اور اختیار کے ہتھیار مردوں کو تھمائے جاتے ھیں۔

عورتوں کی مرضی جانے بغیر

خواب گاہوں کو سجا کر

نئی پود کی آبیاری کے مواقع فراہم کئے جاتے ھیں۔

جسکی لاٹھی اسکی بھینس کے مصداق

ہر کوئی دیوتا ھو نے کا دعوی کر کے

کنواریوں کی جوانی کی قربانی

رات کی سیاھی میں وصول کرتا

مہہ کدوں میں مہہ کشی کےاصول وضع کرتا

شہر کے ایوانوں میں اعلانیہ کہتا ھے۔

میں دیوتا ھوں

میں دیوتا ھوں

کیا اصل دیوتا کا پتہ کوئی جانتا ھے۔؟

وہ بنجارا ازلوں سے

اسی تلاش میں ھے۔

گیند جیسی وادی میں

کیڑے کی کیڑوں کے ہاتھ خونریزی

اس سے اب دیکھی نہیں جاتی