Maye Ni Maye, Urdu By Safia Hayat

"مائے نی مائے "

تیریاں دھیاں

تیرے ویہڑے دیاں چڑیاں

مار اڈاری اڈ جانا

فیر کدی نظر نئیں آنا

دکھاں سانوں گھیرا پایا

لنگن راتاں وچ سوچاں

کیہڑے قصور دھیاں کر چھڈے

سانوں دیس نکالا دتا

مائے نی مائے

تیرے ویہڑے دیاں کونجاں

چوگ چگیدیاں آئیاں

سانوں چوری کٹ کٹ نہ دے

اساں لمبے سفری جانا

متھے ٹیکہ۔گل وچ گانی

چٹاچولا پاکے۔

مٹی دا ہتھ پھڑ کے مائے

اساں مٹی مٹی ھوجانا

لوریاں سناون والی امبڑی!

سانوں واجاں مار بلاوی نہ

گڈیاں پٹولے سنبھالی نہ

جمن پالن والی مائے

معاف کر یں تقصیراں۔

ویکھ او میرا رنگیلڑا پلنگا

ویراں وچ ویہڑے دے رکھیا

ساواں سانوں سپاں وانگوں ڈنگیا

ساڈے پنڈے نیل و نیل نی مائے۔

مل مل بٹناں نواویں

ول وطناں نوں ٹوریں

تیرے ویہڑے دیاں چڑیاں

مار اڈاری اڈ جانا