Piya Basanti, Urdu Nazam By Safia Hayat

یہ کیسی مست خرام ھوا چلی ھے۔

پھولوں کی قبا رنگوں میں ڈھلی

رقص جنوں میں

مجھے ساتھ لئے پھری۔

خوابیدہ لمس جاگ اٹھے۔

سرشار لمحوں کے آئینوں میں

تجھے روبرو دیکھ کر

میں دھمال سنگیت پہ پاوءں دھرتے

دھنک کے جھولے میں

آسماں کو چھونے لگی۔

کچھ کہی ان کہی کے میٹھےبول

ادائیگی کے مر حلوں سے

بے نیاز ۔۔۔

لا پرواہ سے ھوئے۔

پاگل لمحوں نے پاگل بنا ڈالا

میں بے خودی کی گھڑیوں کو تھامے

سمندروں کے

شانوں پہ سوار بادلوں کے بوسے چرا کر

من کے سچ بول ڈالے

پون کی پازیب بجی

اور اسے کہہ ڈالا

"سنو!! تم بس تم ھو

تم میرے میت ھو

تم میرے گیت ھو

تم میری پریت ھو"

پریتم سنگ پریت لگاکے

پھر دوری کاھے کو۔۔۔؟