Sehra Ki Rait Phankti Larki, Urdu Nazam By Safia Hayat

Sehra Ki Rait Phankti Larki is a famous Urdu Nazam written by a famous poet, Safia Hayat. Sehra Ki Rait Phankti Larki comes under the Love, Sad, Social, Friendship, Bewafa, Heart Broken, Hope category of Urdu Nazam. You can read Sehra Ki Rait Phankti Larki on this page of UrduPoint.

"صحرا کی ریت پھانکتی لڑکی"

صفیہ حیات

تم نے الزامات کی پوٹلی

سر راہ کھول کر

زمانے بھر کی خاک میری مانگ میں بھر دی

میں چپ رہی۔

تم نے اک اک سے

ناکردہ گناہوں کی خود گھڑی داستاں کہی۔

میں نے لب سی لئے۔

تیرگی پہن کر میں چپ چاپ سہتی رہی

سلگتی رہی۔

معصوم فرشتوں کی بھولی مسکان کے

سائے میں ھمکتی امیدیں

مجھے جاں سے بڑھ کر تھیں عزیز

تونے سب روشنیاں گل کر دیں۔

دروبام بجھاکر

میرے سینے میں زخم در زخم

فروزاں کی ہیں سب لہو کی شمعیں

تاریک راہوں کو میرا پتہ دے کر

جنگلوں میں بھٹکا کر

آبلہ پیروں میں صحرا باندھ کر

مجھے تنہا چھوڑ دیا۔

میں روئی

کوئی حرف شکایت نہ کہا۔

مگر تو نے تو۔۔۔۔۔۔

کل شام حد کر دی۔

میری پیوند لگی چادر کھینچ کر

بیچ بازار بو لی لگا دی۔

بھت سستے میں بیچ کر

اپنی انا بچانے والے

یاد تو کر

میں نے کہاں کہاں

اپنی کنواری خواہشوں کو گروی رکھا

صحراوءوں کی ریت پھانکی

اپنی تشنگی بیچ کر

تیری راہ میں رل گئ۔

اور

تم رشتوں کی زنجیر بدلنے میں

کتنے جلد باز نکلے۔

میں نے تیرے پیروں کے کانٹے نکال کر

دل میں چھپا لئے۔

چپ رہی۔

میری زباں پہ تیرے بھرم کے وعدے رکھے رہے

اور

زمانہ بھر کی رسوائیاں

میری جھولی میں گرا کر

اب تم کہتے ھو۔۔۔۔

میں وہ نہیں

جسے تم چاھو۔

سنو میرے دوست!

اس نے کیسے مجھے باندھ کر مارا۔

ذات پہ لگے

رسوائیوں کے داغ کیسے دھلتے ہیں

یہ کون بتائے گا۔۔۔۔؟؟؟؟؟

صفیہ حیات

© UrduPoint.com

All Rights Reserved

(1871) ووٹ وصول ہوئے

You can read Sehra Ki Rait Phankti Larki written by Safia Hayat at UrduPoint. Sehra Ki Rait Phankti Larki is one of the masterpieces written by Safia Hayat. You can also find the complete poetry collection of Safia Hayat by clicking on the button 'Read Complete Poetry Collection of Safia Hayat' above.

Sehra Ki Rait Phankti Larki is a widely read Urdu Nazam. If you like Sehra Ki Rait Phankti Larki, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.