Uljhi Door Ki Soch, Urdu Nazam By Safia Hayat

پیپل کی چھاوءں میں

پتوں سے چھنتی روشنی میں

اکثر بیٹھے بیٹھے سوچتی ھوں۔

تم مل جاتے

تو

زندگی کے رنگ کیسے ھوتے

میں رنگوں میں

ایک رنگ تیری محبت کا ملا دیتی

دل کے کینوس پہ انڈیل دیتی

سورج سب چراتا

شفق کی پیشانی پہ

دھنک بندیالگاتا

میری زیست بھی ست رنگی ھوتی

میں بھی کھلی کھلی ھوتی

بن ھار سنگھار سجی سنوری ھوتی

میرے دل کی عجب سی حالت ھو تی۔

کوئی بات بھی نہ ھوتی

میں ہنستی رہتی

کوئی کہتا " جھلی سی"

میرے قہقہے پہ

کائنات بھی مسکرا دیتی۔

جب بھی بارش کی پہلی بوند

پیاسی زمیں کے لب پہ ٹپکتی

میں حسرت سے سوچتی

کب میں

سمندر پیالہ تھاموں گی

پیاس دکھی من کی بجھاوءں گی

بھور سمے

اکثر ھی

سوچوں کی ڈور میں

الجھی الجھی سی رہتی ھوں۔

بیٹھے بیٹھے کھو جاتی ھوں۔

تم مل جاتے

تو

زندگی کے رنگ کیسے ھوتے ۔؟

کیا رات ایسی رات ھوتی۔۔۔؟

کیا زندگی کے یہی جھمیلے ھوتے۔۔؟