Mera Dil Keehta Hai Mujh Se Koi Sanam Tarash, Urdu Ghazal By Sardar Zubair Ahmed

میرا دل کہتا ہے مجھ سے کوئی صنم تراش

واعظ کہتا ہے ایسا کرنے والے کی گرا دو لاش

تُو چھوڑ مری صنم تراشی ، تُو کر رزق حلال کی تلاش

اپنے دین کو بنا ر کھا ہے تم نے ذریعہٴ معاش

ہم نمک پاشی کر بیٹھے اور لہُو ہو گئی واعظ کی خراش

میں صنم فروشی تو نہیں کرتا ،میں بھی ہوں بہت قلاش

بس یہ رندی و پارسائی کی بحث کو مت چھیڑئیے

لوگ کہتے ہیں کہ واعظ کی حساس طبیعت کو مت چھیڑئیے

اے شبنم تو نہ گرنا اس گیسوئے حسیں پر

اتنی حسین شا ید ہی کوئی زلف ہو روئے زمیں پر

کبھی ہم بھی رکھنا چاہتے تھے اپنے لب اس کی جبیں پر

مرے اشکوں کے داغ لگ گئے اس کے پیرہن سیمیں پر

اپنی آنکھوں سے تیر پھینکے اس نے مرے دل حزیں پر

آہ ظالم تجھے ذرا سا بھی ترس نہ، آیا اپنے دل کے مکیں پر

میرے ہاتھ نہ تری وفا آ ئی نہ ترا دامن آیا

بس پھر کیا تھا کہ میری آنکھوں میں ترے غم کا ساون آیا

شبنم کلیوں کو وضو دیتی ہے اور غسل ہوتا ہے مرغزاروں کا

ہزار جاں تجھ پہ فدا کر کے بھی مجھے غم نہ ہو گا ہزاروں کا

چاند بھی کبھی ہو جاتا ہے محبوب اپنے ستاروں کا

بلبل کے آنسو نکل آئے انتظار کرتے کرتے بہاروں کا

ترے دل میں نہ بہار کی خوشی نہ مزا ا ن نظاروں کا

آہ تو کیا جانے مطلب ان حسینوں کے اشاروں کا

سبھی لوگوں پہ کھلتا نہیں ہے یہ راز کبھی بھی

کہ غم سے ہی کیوں خوش ہوتا ہے دل غمخواروں کا !