Yeh Khawahishaan Ki Rangeeni Hai Faqt Hawas E Nigah, Urdu Ghazal By Sardar Zubair Ahmed

یہ خواہشات کی رنگینی ہے فقط ہوس نگاہ

قلب و روح کو ملتا نہیں اس سے کوئی مزہ

بظاہر تو بڑا خوش تر نظر آتا ہے امر گناہ

آخر ملتی ہے اک ہی شے، سکون روح یا عزت و جاہ

آئی موت نفس کو روح کو ملی ہے جاودانی

اتباع نفس فطرت انسانی،مگر حقیقت وہی فیصلہ قرآنی

جب سے چھیڑی تم نے تمیز ذات تمہاری ذات ہی نہ رہی

نگاہٴ انسان میں ،انسانیت کی اوقات ہی نہ رہی

محفل دنیا میں اب وہ پہلے سی بات ہی نہ رہی

جو ارادہ کیا میں نے توبہ کا اس وقت رات ہی نہ رہی

قلعہٴ ا یماں اگر پختہ ہو تو مل جاتی فتح بے تیر و تلوار

یہ کرشمہٴ حق ہی تو تھا کہ موڑ دیے گھوڑوں نے رُخ شہسوار

جو اٹھی نگاہٴ مومن تو اٹھے پردے آسمانوں کے

جو کھلی چشم حکمت کھلے راز ان امتحانوں کے

چونکا گئے مجھے بھی کارنامے اس امت کے جوانوں کے

آہ وہ کیا ہی مرد حُر ہوا کرتے تھے گزرے زمانوں کے

اے ناداں تُو روبروئے ظالم دست منت نہ جوڑ

آریٴ ایماں لا کہیں سے یہ زنجیر فریا د ستم سے نہ توڑ

غرق ہوا جس کا نفس یاد الٰہی میں

حیات بری کی قوت بھی ہے پوشیدہ اس ماہی میں

لذت فتح چھپی ہوتی ہے اس تباہی میں

کچھ یقین تو پیدا ہونے دے اپنے ضمیر کی گواہی میں

تُو مشتاق فلاح ہے اگر تو خزانہٴ جمیعت لوٹ لے

چاہتا ہے تابندگی و جاویدی تو تہہ دل میں سم موت کوٹ لے

جو ڈبو گیا مجھے بھی عشق محمد

نگل گیا میں بھی اس بحر سے گوہر عشق محمد

اب مری آنکھوں میں دیکھ جلوہٴ عشق محمد

کتنے ہی موتی پیدا کر گیا وہ اک گوہر عشق محمد

نہ آنکھو ں سے نہ باتوں سے ثابت ہو گا عشق محمد

زبیر# فقط ترے قلب و عمل سے ثابت ہو گا عشق محمد!