Nahi Muzmar Raaz Fateh Kissi Qoum Ka Tadad Ki Aksiryat Main, Urdu Ghazal By Sardar Zubair Ahmed

نہیں مضمر راز فتح کسی قوم کا تعداد کی اکثریت میں

پوشیدہ ہے قوت فتح اس کی ، اتحاد و جمیعت میں

اس قوم خستہ نے کچھ نہیں چھوڑا، اپنی قومی حمیت میں

اٹھو ملت کے جوانو! نئی روح پھونک دو اپنی قو میت میں

مثل قاسم و ایوبی بن کر، تازگی پیدا کر اپنی اہمیت میں

تم نے کیا پڑھا تھا ذرا یاد کرو مصطفیٰ کی نصیحت میں

باہمی نفرت اور حرص اقتدار زیب فرد ملت نہیں

مسلماں کی ترقی و دفاع محکومی و نقل غیر ملت نہیں

شوق انگریزی رکھنے والوں میں کوئی مبلغ اُردو نہ رہا

اہل پاک کی ز باں پر ذائقہٴ شیرینیٴ اُردو نہ رہا

ارض پاک کی اہمیت رہی، جذبہ قومی پہلے سا گرم نہ رہا

غیرت قومی نے نہ جھنجوڑا کسی کو، پیام قائد کا بھرم نہ رہا

کسی کے دل میں جذبہ المسلم اخوالمسلم نہ رہا

آہ اب تو کسی کے دل میں حُب پیام چراغ حرم نہ رہا

افسو س کہ ستم پہ ستم اک اور یہاں بھی ہو گیا

نام بھی مسلماں ہو گیا ، اور اہل پاکستاں بھی ہو گیا

آہ ہم آزادی سے پہلے ہی کفار کے غلام ہوئے

نام بہبود پہ ہم بھی قرضوں میں بھی لب بام ہوئے

ان کی خدمت میں تیار خون مسلم سے جام ہوئے

افسوس پھر بھی ہم کفار کی خوشی پانے میں ناکام ہوئے

گھر کے مکینوں کو سپرد کفار کرنے پہ مقرر انعام ہوئے

غیرت دین و دنیا پیش کر کے بھی ہم ہی بدنام ہوئے

نہ کسی نے جمہوریت کی ، نہ سیاست کی،نہ خلافت کی

یہاں سبھی نے عوام کے خزانے سے اپنے شکم کی ضیافت کی !