Sari Dunya Se Piyari Hai Yeh Sarzameen, Urdu Ghazal By Shakeel Jazib

ساری دُنیا سے پیاری ہے یہ سر زمیں

میرا سب کُچھ یہیں میرا سب کُچھ یہیں

رنگ جتنے بھی قوسِ قزح نے دئیے

پھول جتنے بھی سارے جہاں میں کھِلے

ان سے مل کر بنا اِس کا روئے حسیں

ساری دنیا سے پیاری ہے یہ سر زمیں

میرا سب کُچھ یہیں میرا سب کُچھ یہیں

اِس کی خاطر بہا خون اجداد کا

لَا الہَ سے رشتہ ہے بُنیاد کا

سچ کہوں تو اسی میں ہیں دنیا و دیں

ساری دنیا سے پیاری ہے یہ سرزمیں

میرا سب کُچھ یہیں میرا سب کُچھ یہیں

اس کی مٹّی میں کچھ ایسی تاثیر ہے

درد و غم کے لئیےگویا اکسیر ہے

خاک سونا ہے اور اس کے کنکر نگیں

ساری دنیا سے پیاری ہے یہ سرزمیں

میرا سب کُچھ یہیں میرا سب کُچھ یہیں

میں نے دیکھا ہے سارا جہاں ہی مگر

کوئی خطّہ بھی اس سا نہ آیا نظر

میری پوچھو تو جنّت سے یہ کم نہیں

ساری دنیا سے پیاری ہے یہ سرزمیں

میرا سب کُچھ یہیں میرا سب کُچھ یہیں

اے خدا اس کو تُو بد نظر سے بچا

تفرقے سے بچا شور و شر سے بچا

بس محبت ہواس گھر کی جاذب مکیں

ساری دنیا سے پیاری ہے یہ سر زمیں

میرا سب کُچھ یہیں میرا سب کُچھ یہیں