Saqi, Urdu Nazam By Shameem Farooq Banspari

Saqi is a famous Urdu Nazam written by a famous poet, Shameem Farooq Banspari. Saqi comes under the Sad, Social category of Urdu Nazam. You can read Saqi on this page of UrduPoint.

Urdu Poem English Poem

ساقی

شمیم فاروق بانس پاری

بتاؤں کیا جو رنگ گردش ایام ہے ساقی

جہاں کا ذرہ ذرہ کشتۂ آلام ہے ساقی

معاذ اللہ اب ہر ہر قدم پر دام ہے ساقی

گلستاں میں یہ آزادی کا فیض عام ہے ساقی

سمجھ سکتا ہے کون اس راز کو جز اہل مے خانہ

لباس صبح میں کتنی بھیانک شام ہے ساقی

قفس کیسا نشیمن کیا یہ سب کہنے کی باتیں ہیں

نہ جب آرام تھا ساقی نہ اب آرام ہے ساقی

عجم بے بہرۂ ایماں عرب بے بہرۂ دانش

بایں آغاز دونوں کا برا انجام ہے ساقی

ستم یہ ہے کوئی شیشہ گروں کو کچھ نہیں کہتا

مری خارا شگافی مورد الزام ہے ساقی

حجابات تصور میں ابھی ہے ملت آدم

ابھی انساں شکار لعنت اقوام ہے ساقی

ابھی مردود درگاہ خرد ہے تابش ایماں

ابھی مقبول عالم ظلمت اوہام ہے ساقی

ابھی پیاسوں نے پائی ہی نہیں ہے راہ مے خانہ

خرد کی کوشش پیہم ابھی ناکام ہے ساقی

الجھ کر رہ گئے ہیں مدعیان ربوبیت

خیال خام بالآخر خیال خام ہے ساقی

چراغ راہ بن کر رہبری کی جس صحیفے نے

وہ جزدانوں کے شیشے میں چراغ بام ہے ساقی

ترا یہ رند سرگشتہ جسے فاروقؔ کہتے ہیں

اسی تنقید کے چلتے بہت بدنام ہے ساقی

خط پیمانہ عرق موج صہبا ہوتا جاتا ہے

اجازت ہو کہ اب آگے خدا کا نام ہے ساقی

شمیم فاروق بانس پاری

Previous More Sad Poetry

Shameem Farooq Banspari

Saqi

Shameem Farooq Banspari

bataun kya jo rang-e-gardish-e-ayyam hai saqi
jahan ka zarra-zarra kushta-e-alam hai saqi
maaz-allah ab har har qadam par dam hai saqi
gulistan mein ye aazadi ka faiz-e-am hai saqi
samajh sakta hai kaun is raaz ko juz ahl-e-mai-KHana
libas-e-subh mein kitni bhayanak sham hai saqi
qafas kaisa nasheman kya ye sab kahne ki baaten hain
na jab aaram tha saqi na ab aaram hai saqi
ajam be-bahra-e-iman arab be-bahra-e-danish
ba-in-aghaz donon ka bura anjam hai saqi
sitam ye hai koi shisha-garon ko kuchh nahin kahta
meri KHara-shigafi morid-e-ilzam hai saqi
hijabaat-e-tasawwur mein abhi hai millat-e-adam
abhi insan shikar-e-lanat-e-aqwam hai saqi
abhi mardud-e-dargah-e-KHirad hai tabish-e-iman
abhi maqbul-e-alam zulmat-e-auham hai saqi
abhi pyason ne pai hi nahin hai rah-e-mai-KHana
KHirad ki koshish-e-paiham abhi nakaam hai saqi
ulajh kar rah gae hain muddaiyan-e-rububiyyat
KHayal-e-KHam bil-aKHir KHayal-e-KHam hai saqi
charagh-e-rah ban kar rahbari ki jis sahife ne
wo juzdanon ke shishe mein charagh-e-baam hai saqi
tera ye rind-e-sar-gashta jise 'faruq' kahte hain
isi tanqid ke chalte bahut badnam hai saqi
KHat-e-paimana arq-e-mauj-e-sahba hota jata hai
ijazat ho ki ab aage KHuda ka nam hai saqi

Facebook Twitter Reddit Pinterest Whatsapp

(273) ووٹ وصول ہوئے

You can read Saqi written by Shameem Farooq Banspari at UrduPoint. Saqi is one of the masterpieces written by Shameem Farooq Banspari. You can also find the complete poetry collection of Shameem Farooq Banspari by clicking on the button 'Read Complete Poetry Collection of Shameem Farooq Banspari' above.

Saqi is a widely read Urdu Nazam. If you like Saqi, you will also like to read other famous Urdu Nazam.

You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.