Takbeer Ka Din By Abdul Basit Adam Gishkori

تکبیر کا دن

تکبیر کا دن آج یہ تکبیر کا دن ہے

یہ میرے وطن کی نئی تقدیر کا دن ہے

ہر ایک جواں خواب کی تعبیر کا دن ہے

تدبیر کا دن ہے ارے تسخیر کا دن ہے

لوگو یہ مری قوم کی تعمیر کا دن ہے

تکبیر کا دن آج یہ تکبیر کا دن ہے

تابش کا رقم ایک نیا باب ہوا ہے

ہر زرہ مرے ملک کا ماہتاب ہوا ہے

ہر ایک گلی کوچہ جہاں تاب ہوا ہے

اس تاب سے ہر منظر سیراب ہوا ہے

ہر سمت بکحرتی ہوئی تنویر کا دن ہے

تکبیر کا دن آج یہ تکبیر کا دن ہے

گزرے ہوئے اسلاف کے ارمان کا دن ہے

ہر ایک مسلمان کی پہچان کا دن ہے

قائد کے یہ اقبال کے ارمان کا دن ہے

یہ ارض وطن کے ہر انسان کا دن ہے

ہر فرد کے جذبات کی تاثیر کا دن ہے

تکبیر کا دن آج یہ تکبیر کا دن ہے

مسلم کو مٹانے کے جتن جب بھی ہوئے ہیں

چت ہو گیا باطل کے سبحی ہوش گئے ہیں

اس دن سے تو پھر اہل جہاں مان گئے ہیں

مسلم کبھی پسپا نہ ہوئے تھے نہ ہوئے ہیں

یہ دن مرے اسلام کی شمشیر کا دن ہے

تکبیر کا دن آج یہ تکبیر کا دن ہے

دشمن کا جو تھا زعم سبھی چور ہوا ہے

تسلیم خودی کرنے پہ مجبور ہوا ہے

طاقت سے وطن کی مرے محصور ہوا ہے

سب وقت کے یزدان سے منظور ہوا ہے

تاریخ کے رخ پر نئی تحریر کا دن ہے

تکبیر کا دن آج یہ تکبیر کا دن ہے

تاریخ گواہی کے لیے آج بھی وا ہے

جو ہاتھ مسلماں کے گریباں پہ پڑا ہے

وہ ہاتھ ہمیشہ کے لیے کٹ کے گرا ہے

پھر آج وہی حال ہی باطل کا ہوا ہے

ہر ایک مسلمان کی توقیر کا دن ہے

تکبیر کا دن آج یہ تکبیر کا دن ہے