Ghazal

غزل

اُس کا لہجہ کرخت ہو تا گیا

دل ہمارا بھی سخت ہوتا گیا

زخم کا ایک ننھا سا پودا

رفتہ رفتہ درخت ہوتا گیا

تھا سفر یوں تو بے سروساماں

شوقِ منزل ہی رخت ہوتا گیا

رہبری کا ہر اک علمبردار

خوگرِ تاج و تخت ہوتا گیا

تیری خاطر سمیٹ کر رکھا

دل مگر لخت لخت ہوتا گیا

عشق میں جس مقام سے گزرے

مرحلہ اور سخت ہوتا گیا

جس نے دیکھے تھے خواب اجالوں کے

وہ سخنؔ تیرہ بخت ہوتا گیا

عبدالوہاب سخن

© UrduPoint.com

All Rights Reserved

(221) ووٹ وصول ہوئے

Your Thoughts and Comments

Urdu Poetry of ABDUL WAHAB SUKHAN, Ghazal in Urdu. Also there are 15 Urdu poetry collection of the poet published on the site. The average rating for this Urdu Shayari by our users is 4.3 out of 5 stars. You can also read Best Urdu Nazam and Top Urdu Ghazal of ABDUL WAHAB SUKHAN.