Naat E Rasool S.A. By Ahmed Hussain

فِداک اھلي و نفسي یا حبيب اللہ

(صلی اللہ علیہ و آلہ و صحبہ وسلم)

اپنے مبداء ِخلق سے تمام دن رات یکجا کر کے

ادب کے پیکر میں ڈھال پاؤں تو پِھر کہوں "فِداک اھلي و نفسي یا حبيب اللہ"

اقرار ِ"الست" سے ہست پا کر عدم کی وادي میں جب بسا ہوں

جُستجوۓِ وجود میں تھا کہ تب کہوں"فِداک اھلي و نفسي یا حبيب اللہ (ص)"

وجودِ مظہر جو مِل گیا ہے تواپنی قسمت کےاوج پر ہوں

عدم کے باسی بھی نازاں مجھ پر میں جب کہوں "فِداک اھلي و نفسي یا حبيب اللہ (ص)"

حبيبِ کبريا (ص) کا در ملا ہے تو سراپا اِلتجا بنا ہوں

کہ تا حشر ميری نسلوں کا وِرد ہو يہ "فِداک اھلي و نفسي یا حبيب اللہ (ص)"

تا روز ِ محشر مری قبرميں بھی نورکی بارشيں رہيں گی

ميں جلوۂ ِ "والضحی" کو پا کر باصد اِلتجا کہوں گا "فِداک اھلي و نفسي یا حبيب اللہ (ص)"

یا رب۔۔۔ جب "یوم المعود" ہو تو "فوز المبين" کا تاج دینا

میں پا‎ۓِ حبیب (ص) پہ سر کو رکھ کر ہجومِ محشر ميں بھی کہوں"فِداک اھلي و نفسي یا حبيب اللہ (ص)"

وہ کیا ہی پُر کیف لمحے ہوںگے وہ کیا ہی اعلی عطا ملے گی

میں اپنے آقا (ص) کااحمد بنکر فردوسِ فردوس میں جپوں گا "فِداک اھلي و نفسي یا حبيب اللہ (ص)"

فِداک اھلي و نفسي یا حبيب اللہ (صلی اللہ علیہ و آلہ و صحبہ وسلم)