ALWIDA IQBAL SHAH By AMEER FAROOQABADI

محترم جناب سید محمد اقبال شاہ صاحب کی ریٹائرمنٹ پر لکھی گئی نظم

ریٹائر منٹ29/9/2018

تقریب(7/11/2018)

عنوان : الوداع اقبال شاہ

ہو کر محفل سے جدا آج جا رہے ہیں شاہ صاحب غمِ جدائی میں سب کو آج رلا رہے ہیں شاہ صاحب

سب تیری تعریف میں آج گا رہے ہیں شاہ صاحب ترے احباب محفل پیار کی آج سجا رہے ہیں شاہ صاحب

یاد آئیں گی تم کو سید اقبال کی باتیں وہ میٹھی میٹھی حسن و جمال کی باتیں

صفحہ قرطاس پر لکھی جائیں گی سنہری حروف سے علم و فن اور ترے د رویشانہ جلال کی باتیں

گُل بن کر جھڑتے ہیں ترے لب سے نکلے الفاظ ترے گفتا ر و کردا ر میں ہیں کمال کی باتیں

مشکل ہیں بہت پرونا اک نظم کی ڈوری میں تیری گزری زندگی کے ما ہ و سال کی باتیں

کب ملتے ہیں ایسے سُچے موتی اس دنیا میں کیسے لکھوں موئے قلم سے ایسے لال کی باتیں

بچوں کو ا س قدر دلجمعی سے پڑھایا تو نے بیسٹ ٹیچر کا ا یوارڈ ضلع بھر میں پایا تو نے

تری محنت کے کرشمے یاد ہیں ہم کو ہر سال نتیجہ سو فی صد دکھایا تو نے

تربیت بھی کی اور تعلیم بھی دی بچوں کو حسن ِ خلق کا درس بھی سکھایا تو نے

تیری سوچ تھی تعمیری تیر ا عمل تھا سونا خوب سے خوب تر وقت نبھایا تو نے

بہت خیال تھا تجھ کو غریب نادارو ں کا چھوٹے بڑے اپنے پرائے سب یاروں کا

اگر چہ سفر کٹھن تھا بہت کہسارو ں کا سن آٹھ کے زلزلہ میں تو سہارا بنا بے سہاروں کا

تجھے مرشد مرشد کرتے ہیں تیرے یار پیارے تیری محبت کا دم بھرتے ہیں تیرے یار پیارے

تیرے قدم بقدم چلتے ہیں تیرے یار پیارے تیرے اک اشارے پہ مرتے ہیں تیرے یار پیارے

چشم ِ نم سے کہتے ہیں تجھے احباب الوداع ہم سے ہو ا ، علم کا ایک اور با ب الوداع

آئی پیری ، ہوئی بہا ر و شباب ا لوداع امیر اقبال شاہ اک ہستی نایاب الوداع