Jazbaati Ashiq Nafsiyaati Mehboob By Bariyah

اپنے محبوب کو نفسیاتی بنا کر

شب و روز اس کا پیچھا دبا کر

نہ خود ہنسنا اس کو بھی رلا کر

نہ سونا چین سے اس کو بھی جگا کر

یہ کر کر بین کر مجھ سے وفا کر!

یہ کر کر بین مجھ پہ نہ جفا کر!

زبردستی خود ہی یوں زندگی میں آنا

پھر خود کو اس کا یوں حاکم بنانا

تم اٹھے ہو تو اٹھے ہو کیوں تم

تم بیٹھے ہو تو بیٹھے ہو کیوں تم

یہ تم نے سانس جو اب کے لیا ہے

نہ جانے کس کے نام پر لیا ہے

تم دیکھو تو بس دیکھو مجھے تم

تم سوچو تو بس سوچو مجھے تم

تمہاری سوچ ہے مٹھی میں میری

تمہاری نظر ہے قبضے میں میری

یہ تم نے دائیں دیکھا تو کیوں دیکھا

یہ تم نے بائیں دیکھا تو کیوں دیکھا

یہ مسکراۓ تو مسکراۓ ہو کیوں تم

کسی کی یاد میں کھوۓ ہو کیا تم

ہر دم اس پہ نظریں جما کر

سلسلہء آمد و رفت کا پتا لگا کر

پھر رونا تمہاری اور دلچسپی کہاں ہے

یہ تم نے اپنی دوجی رکھی کہاں ہے

جو تم نے کیا بہانہ چھڑانے کے لیے جاں

میں کھا لوں گی زہر دے دوں گی اپنی جاں

بہت سے معاملات اور ہیں تمہارے

بہت سے راز پنہاں ہیں تمہارے

میں خود دیکھتی ہوں یہ کیا معاملہ ہے

میں خود دیکھتی ہوں وہ کیا معاملہ ہے

بس اب کر لو تم جلدی مجھ سے شادی

ہے ہم نے تم سے بہت وفا کی

نہ کی شادی تو تم کو مار دوں گی

تم کو سیدھا قبر میں گاڑھ دوں گی

سناؤں گی میں دنیا کو کہانی

ایسا بولوں گی ہو گی پھر بدنامی

محبت سے سیدھی چھلانگ لگانا

دشمنی کے اکھاڑے میں آ جانا

محبت کا تقدس پامال کرنا

یہ وعدہ کرنا ہے برا حال کرنا

محبت ہو پھر دھمکیوں کی زد میں

محض طعنوں اور گالیوں کی زد میں

حقیقت میں محبت کب تمہیں تھی

محض پانے کی یہ تو ضد تمہیں تھی

اس کو اتنا رلانا نفسیاتی بنانا

وفا کے نام پہ تشدد کر جانا

محبت نام پہ دی اتنی اداسی

نہ کی اس لیے اس نے تم سے شادی