Khak By Hussnain Rana

خاک

یہ دلنشیں چہرے ، گُلووں سے بھرے باغ

یہ پرُشکوہ محل، دلکش و حسین کشور

فلک بوس عمارتیں اور دلفریب مظاہر

یہ اُمراء و اشرافیہ اور اُن کی امّارت

یہ محبوب و عاشق ، جاہل ہوں یا عالِم

یہ مظلوم و ظالم، مقہور ہوں یا مومن

ہیں بنے خاک سے جا ملیں گے خاک میں

کاہے پڑا ہے اے خاکی تو تفریقِ طبقات میں

دیکھ کس زعم سے چلتی ہے خاک پہ خاک

نہیں جانتی کہ قدموں تلے، ہے کس کس کی خاک

روندتا چلا جائے ہے ناسمجھ خمیر کو اپنے

ملی ہوئی ہے اس میں تِری ماں کی خاک

تِری طاقت، تِری دولت، تِری شہرت

اِترائے خاک ، ہیں یہ چار دن کی مہمان

اُڑاتا ہے خاک خلقِ خدا کی کیونکر

اے خاکِ پا نہ کر اختیار قربت شیطان

جھانک ذرا گریبان میں اپنے کہ ہے خاک آلودہ

نہ عِلنوں سے عاری نہ خُلق میں خاکسار

گرہوا تجھے ادراک تو رکھ آبروئے خاک

کہ آغوش میں لے لیتی ہے محبت سے یہ خاک

گناہگار ہو، سیاہ کار ہو کہ ہو عبادت گذرا

دامن واہ کئے رکھتی ہے یہ استقامت کے ساتھ

نہیں کوئی پیئمانہ صبر و برداشت کا اس کے

چھپائے رکھتی ہے اپنے جذبات وتاثرات

پڑھ سبق تحمل کا ملا خاک میں تکبر

کر گئی اثر قلب پہ تیرے گریہ مثالِ خاک

کرتا نہیں مہمیز تو سوئے ضمیر کو اپنے

کیسے ہوگا نفس حریص و ہوس سے پاک

خاک ہوئیں تِری دعائیں کہ اٹھے تھے یدِ خاکی

سربسجود کرروح کو اپنی پھر دیکھ قدرت کی برکات

یہی ہے وہ جوہر کہ یک جان ہوا خاک سے

توکہلاتا وجودِ خاکی اشرف المخلوقات

کر تائیدِ برجستہ حضور کی مانندِ صدّیقؓ

کہ ہو معطّر تیری خاک کی باس

نہ ہوگا کوئی ثانی جو بچھائے خاک کے بچھونے

ٹھکرا گداز بستر بامثلِ عمرؓ تاریخ ساز

خاک نشیں ہو غنیمت جان پوپھٹے کے وقفے کو

کہ جلد بخشے گی یہ خاک تجھے شرفِ ملاقات

خاکستر ہوئے تو جانے قدرت کے اِسرار

ورنہ کیا ملے نہ ہر گذرگاہ پہ ہمیں اُستاد

حسنین رانا