Mortality By Jafar Hussain Jafar

ہر چیز کو فنا ہے

کیسے بھلا دی تو نے دنیا کی یہ حقیقت

آیا ہے جو جہاں میں جانا ہے اس کی قسمت

ایسی اٹل حقیقت کوئی کیسے بھولتاہے

اس چیز کا مزا تو ہر ایک نے چکھا ہے

مانا کہ اس جہاں کالطف و مزا بڑا ہے

لیکن یہاں ہمیشہ کوئی نہیں رہا ہے

آیا تھا جب وہاں سے وعدہ وہاں کیا تھا

خالق تو جب بلانا واپس یہاں ہی لانا

آسائیشیں یہاں کہ تجھے اس طرح سے بھائیں

باتیں جو خلد کی تھیں تجھے یاد تک نہ آئیں

چھوٹا ہو یا بڑا ہو شاہ ہو کہ یا گدا ہو

پیر و جواں ہو آقا چاہے غلام زادہ

زاہد ہو متقی ہو زند ہو کہ یا ہو ساقی

موجوں کی یہ روانی دشت و جبل طولانی

وسعت یہ بحر و بر کی نکہت کسی شجر کی

طائر کا چہچہانا ماہی کا یوں تڑپنا

کس چیز کو بقا ہے ہر چیز کو فنا ہے

خورشید کی تمازت چندہ کی چاندنی بھی

بدرو قمر کا بننا تاروں کا جھلملانا

گوہر جو سیپ میں ہے موتی تو بن رہاہے

کس کو خبر ہے اس کی تقدیر ہی میں کیا ہے

تکمیل بھی کیا ہوگی تسکین بھی کیا ہو گی

تکمیل گر جو ہو گی تزئین بھی کیا ہو گی

سکوت بحر سے پوچھا جبل و قمر سے پوچھا

کیسی ہے زندگانی حیات جاودانی

بولے وہ یک زبانی سب کچھ یہاں ہے فانی

خوف گہن کہیں تو کہیں خوف زندگانی

کلیاں جو پھول بن کے غنچوں میں ڈھل رہی ہیں

ان کی بھی خواہشیں ہیں دل میں مچل رہی ہیں

لیکن کوئی بتا دے ان کو خدارا جا کے

کچھ دیر کی مہماں کل تک نہ ہوں گی باقی

فرعون ہو یا شداد نمرود ہو یا قاروں

دارا ہو یا سکندر ،مرحب ہو یا کہ انتر

بگل قضا جب عقدہ نیا کھلا تب

نہ زمیں ملی دفن کو نہ ہی پارچہ کفن کو

نازاں نہ ہو مسافر کچھ بھی نہیں رہے گا

جعفر فنا ہے دنیا تو بھی نہیں رہے گا

ہر چیز کو فنا ہے کس چیز کو بقا ہے

اس موت کا مزا تو ہر ایک نے چکھا ہے