Dua By Naila Ali

﷽

دعا

یا رب محبت کا اپنی ایسا جام پلا دے

کہ دعا سے تو میری اپنے عرش کو ہلا دے

فہم وہ عطا کر کہ میں ارض و سماں میں

لکھوں وہ نغمےجو حوروں نے گائے جہاں میں

تجھےتو علم ہےقلب پہ میرے جو رقت ہے طاری

اس غم کی دوا ہے مولا تجھ سے بس یاری

مولا حال میں اپنے میں بہت درد مند ہوں

کہ قید میں دنیا کی میں صدیوں سے بند ہوں

ڈھونڈ رہی ہیں نگاہیں کب سے وہ منظر

شجر و قمر دیں گواہی جسکی مل جائے وہ ر ہبر

یا الٰہی میں دیکھوں زمیں پر ایسے معجزات

تیرے سجدے میں ہوں چاندوتارے رکوع میں آ فتاب

صبح میں ہو جب میری چشم نم بیدار

طائر ہوں محو تسبیح جیسے اللہ اللہ کے ہوں ہار

خودی کو میری تو بلندی عطا کر پہاڑوں کے جیسی

رہے نہ خوف کوئ مجھے خوبی بنا دے ایک ایسی

زندگی کو میری ایسی راہ عمل عطا کر

خدایا دنیا تو رہگزر ہے مجھے منزل عطا کر

کہ میرے جذبوں میں چمک ہو نور کے جیسی

اور میری خلوت میں تڑپ ہو کوہ طور کے جیسی

کھل جا ئیں کھڑ کیاں مجھ پہ رحمٰن کے در کی

کعبہ تیرا گھر ہے مجھے سیر کرا دے اپنے گھر کی

میرے لبوں پر رنگ بس تیری حمدوثناء کے ہوں

پیشا نی کا جھومر تیرے سجدوں کے نشاں ہوں

اور میرے ہاتھوں کے کنگن کی مثال ہو ایسے

لکھ رہی ہوں تعر یف خدا میں کتاب میں جیسے

مولا میں تجھ سے ایسا قرب مانگتی ہوں

سانس رک جائے ذکر ہو تیرا وہ عشق مانگتی ہوں

یوں رحلت عطا کر کہ آنکھ کھلے اور دید ہو تیری

میری یہ خواہش دنیا سے رخصتی پر عید ہو میری

یا رب محبت کا اپنی ایسا جام پلا دے

کہ دعا سے تو میری اپنے عرش کو ہلا دے