Wo Chand Nahe Par Roshan Hai By Sahil Ahmed

وہ چاند نہیں پر روشن ہے

وہ پھولوں کا ایک گلشن ہے

روشن روشن چہرے والا

وہ چاند کا جیسے ایک ہالا

تم نام جولو تو جانیں ہم

گر بوجھ سکو تو مانیں ہم

وہ پنج وقتہ آذان میں ہے

سیرت اسکی قرآن میں ہے

من موہنی سی صورت والا

وہ چاند کا جیسے ایک ہالا

تم نام جولو تو جانیں ہم

گر بوجھ سکو تو مانیں ہم

ہر قعدہ میں ہر سجدے میں

ہر آیت میں ہر سکتے میں

سب جپتے ہیں اسکی مالا

وہ چاند کا جیسے ایک ہالا

تم نام جولو تو جانیں ہم

گر بوجھ سکو تو مانیں ہم

مسجد سے چلا وہ مسجد تک

اِ س عظمت سے اُس عظمت تک

جبرئیل بنا ہے شہ بالا

وہ چاند کا جیسے ایک ہالا

تم نام جولو تو جانیں ہم

گر بوجھ سکو تو مانیں ہم

ہے العروۃ الوثقی پہچان اسکی

سب سے اونچی ہے شان اسکی

ہے جنّت کی کنجی والا

وہ چاند کا جیسے ایک ہالا

تم نام جولو تو جانیں ہم

گر بوجھ سکو تو مانیں ہم

دنیا اسکی ہے خلد اسکی

عزت اسکی ثروت اسکی

صدّیق بنا ہے ہم پیالہ

وہ چاند کا جیسے ایک ہالا

تم نام جولو تو جانیں ہم

گر بوجھ سکو تو مانیں ہم

کیوں کر کوئی پہنچے آن تلک

اس پیارے نبی کی شان تلک

جب رب ہی بنا ہے رکھوالا

وہ چاند کا جیسے ایک ہالا

تم نام جولو تو جانیں ہم

گر بوجھ سکو تو مانیں ہم

احمد اس پیارے نبی کا نام

جگ میں پھیلا اسکا پیغام

ہے جو کالی کملی والا

وہ چاند کا جیسے ایک ہالا

تم نام جولو تو جانیں ہم

گر بوجھ سکو تو مانیں ہم