Pagal Larki By Sumera Aziz

بے سمت لفظوں کی صدا پے کان دھرتی ہے

پاگل لڑکی !تو کس کی خاطر سنورتی ہے

خبر ہے پرکشش لفظوں پے جان دینے والی

تجھے کیوں دھوکے میں چھپی ہر بات

چاند توڑ لانے کے دعوے کی طرح لگتی ہے

بےمول لفظوں سے کیوں حنا کی خوشبو آتی ہے

ذرا تو سوچ

اپنے وسوسے کو کیوں جھٹلاتی ہے

کیوں تو دل کے خوش گمان کو بہلاتی ہے

کیوں تو اپنی ہی چاہت سے

دل کا دھوکہ کھاتی ہے

تجھے معلوم ہے جب کسی ویران گوشے میں

تیری آنکھ کسی اجنبی کو تکتی ہے

تیری سماعتیں کسی نامحرم لہجے کی ٹھنڈک

روح میں اتارتی ھیں

تو لہجے کی گھمبھیرتا سے

دل صرف تیرا ہی نہی دھڑکتا

ترے سطحی فعل سے

زمین کی آن تڑپتی ہے

جو ماں باپ کے سر اونچے رکھتی ہے

وہ انمول شان تڑپتی ہے

تجھے لگتا ہے تو چادر میں لپٹی

گھر کی دہلیز کو لوٹ آئی ہے

محبت سے مل کر اپنی سانسوں کو چھوڑ آئی ہے

یہ دہلیز ترے قدم چومے کے تونے ابھی اسے

خیرباد نہیں کیا ہے

مگر تو سنتی نہی

تیری چادر کرلاتی ہے

اور قدم چھوتے ہی دہلیز

نفرت سے سکڑ جاتی ہے

تو غاین ہے !تو اس صدا پے کان کیوں نہی دھرتی

ذرا بتلا

تو اپنے نفس سے کیوں نہی لڑتی

ذرا سے وقتی جذبوں کی خاطر

عزتوں کو رول دینے والی لڑکی

پھر اپنی قسمت کی داغ دھوتی ہے

یاد رکھنا ایسی لڑکی

ساری عمر روتی ہے