Tariq Mahmood Butt Poetry, Urdu Shayari of Tariq Mahmood Butt

طارق محمُود بٹ ریاست آزاد جمُوں و کشمیرکے دارُالحکُومت مُظفرآباد میں ۵ جنوری ۱۹٦۷ کو پیدا ھُوئے ۔ ابتدائی تعلیم مُظفرآباد سے حاصِل کی ۔ یُونیورسٹی آف آزاد جمًُوں و کشمیر سے بیچلرز اور پنجاب یُونیورسٹی لاھور سے جیوگرافی کے مضمُون میں سال ۱۹۹۳ میں ماسٹرز کیا ۔ کامن ویلتھ یُوتھ پروگرام کے تحت علًامہ اِقبال اوپن یُونیوسٹی سے ڈویلپمنٹ ورک کا گریجُویٹ ڈِپلومہ سال ۲۰۰۱ میں مُکمل کیا ۔ بعد ازاں ڈویلپمنٹ سٹڈیز میں حکُومتِ ناروے کےسکالرشِپ پر یُونیورسِٹی آف اوسلو (ناروے) سے سال ۲۰۰۳ میں گریجُویٹ ڈِپلومہ حاصِل کیا اور نارویجئین یُونیورسِٹی آف سائِنس اینڈ ٹیکنالوجی ٹرونڈھائیم ، ناروے سے ۲۰۰٦ء میں ایم فِل کی ڈِگری حاصِل کی ۔ سال۱۹۹۴ء میں مُقابلے کا اِمتحان پاس کر کے آزاد جمًُوں و کشمیر کی سِول سروِس میں بطور ڈسٹرِکٹ اِلیکشن آفیسر اِنڈکٹ ھُوئے ۔ سال ۱۹۹۷ء دوبارہ مُقابلے کا اِمتحان پاس کر کے سال ۱۹۹۸ میں محکمہ سماجی بِہبُود و ترقًی نِسواں میں اسسٹنٹ ڈائیریکٹر تعینات ہوئے ۔ محکمہ سماجی بہبُود و ترًقیِ نِسواں ، آزاد جمًُوں وکشمیر اِلیکشن کمیشن، مِحکمہ سروِسز و جنرل ایڈمِنسٹریشن اور یُونائیٹِڈ نیشنز ڈویلپمنٹ پروگرام میں مُختلِف مناصب پر خِدمات انجام دینے کے بعد اِس وقت حکُومتِ آزاد جمًُوں وکشمیر کے تعمیرِ نو کے محکمہ (سٹیٹ ارتھ کوئیک ریکنسٹرکشن اینڈ ری ھیبیلیٹیشن ایجنسی) میں بطور ڈائیریکٹر فرائض انجام دے رھے ھیں۔ طارق محمُود بٹ نے اگرچہ پِہلا شِعر سال ۱۹۸۴ء میں لِکھا مگر سال ۱۹۸۸ سے باقاعِدہ شاعری کر رھے ھیں ۔ اُنکا پِہلا شِعری مجمُوعہ (کشیدِ جاں) تدوین کے مرحلہ میں ھے۔ غزل، نظم، منقبت، حمد، نعت اور مرثیہ کی تمام شِعری اَصناف میں طبع آزمائی کر چُکے ھیں۔ تِحریکِ آزادیِ کشمیر، اِنسانی اَلمیئے، قُدرتی ماحول ، قومی عظمتِ رفتہ، رُومان، قلبی کیفیات، جبراور سماجی و مُعاشی ناھمواریاں ، سیاسی و سماجی اِستحصال ، نااِنصافی کے خِلاف مزاحمت ، عظمتِ اِنسانی اور رُوحانیت اُن کے پسندیدہ موضُوعات ھیں۔ آپ اُردُو شاعِری میں کلاسیقیت اور جدیدیت کے اِمتِزاج اور ادب میں مقصدیت کے نظریہ کے حامی ھیں ۔