Aik Baat

ایک بات

مجھے ہر اک بات کی خبر ہے

جو ہو چکی ہے

جو ہو رہی ہے

جو ہونے والی ہے آج لیکن

میں صرف اس بات کے بھنور میں اتر رہا ہوں

جو ہونے والی ہے

جس کو سرگوشیوں کا اک بے کراں سمندر

اگلنے والا ہے

کارواں جس کا اب حکایت کی سر زمینوں پہ چلنے والا ہے

جس کو ہر داستاں گلے سے لگانے والی ہے

جس کی ہاں میں ہر ایک ہاں ہاں ملانے والی ہے

آؤ لوگو

طلب کے ساحل پہ خامشی کی دبیز چادر لپیٹ کر سونے والے لوگو

شاید اندوہ کے اندھیرے میں خوف کی خار دار چادر لپیٹ کر رونے والے لوگو

سنو کہ جو بات ہونے والی ہے اس کا آغاز ہو رہا ہے

سنو کہ یہ بات آپ کی ہے

سنو کی یہ بات روس اور چین کی نہیں ہے

وہاں تو اس کو ہوئے زمانہ گزر چکا ہے

یہ بات ویتنام اور کمبوڈیا کی بھی اب نہیں رہی ہے

وہاں تو اب اس کی شکل اک داستاں کی صورت میں ڈھل چکی ہے

وہاں سے یہ بات چل چکی ہے

یہ بات اب تم کرو گے تم

جن کے وہم میں بھی نہ تھا کہ اک دن

اسے تمہارے لہو لہو لب ادا کریں گے

یہی تو اس بات کا کرشمہ ہے معجزہ ہے

کہ ابتدا اس کی جب بھی ہوگی

وہی کریں گے

جو انتہا کے حقیر ہوں گے

مگر بہت با ضمیر ہوں گے

مجھے تمہارے

مجھے تمہارے حقیر اور با ضمیر ہونے میں شک نہیں ہے

کہ میں بھی تم میں سے ایک ہوں اور جانتا ہوں

کہ تم جو مدت سے خامشی کی دبیز چادر لپیٹ کر سو رہے ہو

کیا ہو

کہ تم جو اندوہ کے اندھیرے میں خوف کی خار دار چادر

لپیٹ کر رو رہے ہو کیا ہوا

سنو کہ جو بات ہونے والی تھی ہو رہی ہے

میں اس کا آغاز کر چکا ہوں

اٹھو اپنے لہو لہو لب

مری صدا کے لبوں پہ رکھ دو

ظہور نظر

© UrduPoint.com

All Rights Reserved

(977) ووٹ وصول ہوئے

Your Thoughts and Comments

Aik Baat by Zahoor Nazar - Read Zahoor Nazar's best Shayari Aik Baat at UrduPoint. Here you can read the best poetry Aik Baat of Zahoor Nazar. Aik Baat is the most famous poetry by Zahoor Nazar. People love to read poetry by Zahoor Nazar, and Aik Baat by Zahoor Nazar is best among the whole collection of poetry by Zahoor Nazar.

Zahoor Nazar is the most famous Urdu Poet. Therefore, people love to read Urdu Poetry of Zahoor Nazar. At UrduPoint, you can find the complete collection of Urdu Poetry of Zahoor Nazar. On this page, you can read Aik Baat by Zahoor Nazar. Aik Baat is the best poetry by Zahoor Nazar.

Read the Zahoor Nazar's best poetry Aik Baat here at UrduPoint; you will surely like it. If we make a list of Zahoor Nazar's best Shayari, Aik Baat of Zahoor Nazar will be at the top. Many people, who love the Urdu Shayari of Zahoor Nazar, regard it as the best poetry Aik Baat of Zahoor Nazar.

We recommend you read the most famous poetry, Aik Baat of Zahoor Nazar here, you will surely love it. Also, don't forget to share it with others.