Misha Aur Faris Shafi
میشا اور فارس شفیع
ہماری ماں ہماری بہترین مشیر ہیں ․․․میشا اور فارس شفیع
ہفتہ 15 ستمبر 2018
جیسے کہ آپ جانتی ہیں کہ میں معروف دانشور حمید اختر کی اولاد ہوں ۔میں نے اپنی چھوٹی بہن ہما کے ساتھ کالج کی تعلیم کے دوران شوبز میں قدم رکھا تھا۔پی ٹی وی کے سنہرے دور کی باقیات کہہ سکتے ہیں آپ ہمیں ،اسی طر ح میری شادی سیدپرویز شفیع سے ان ہی دنوں میں ہو گئی ۔پسند کی شادی تھی پرویز بھی پڑھائی مکمل کر رہے تھے اوپر تلے بچے ہو گئے تو اماں ابا نے پرویزکو گھر داماد بنا لیا ۔
ہم سب مل جل کر بچوں کی نگہداشت کرتے رہے ۔بچے اپنی نانی اور نانا سے گھل مل کر رہتے رہے ۔پڑھتے لکھتے بھی رہے اور شوبز میں بھی آگئے۔میشا نے ماڈلنگ ،گلوکاری اور اداکاری تینو ں شعبوں میں خود کو منوایا۔آج وہ نوجوان فنکاروں میں ممتاز ترین حیثیت کی حامل ہے ۔جب وہ 2013میں میرانائر کی فلم The Reluctant Fundamentalistمیں کام کرنا چاہتی تھی تو سب نے اس کی حوصلہ فزائی کی۔(جاری ہے)
میشا شفیع :”
اماں نے کبھی بھی ہمیں کمزور نہیں کیا نہ خود ہوئیں ۔شاید کوئی جانتا ہو کہ میرے والد نے ان کے ساتھ کچھ اچھا نہیں کیا وہ ہمیں چھوڑ گئے مگر اس وقت تک میں اور فارس فری لانسنگ سے اپنے اخراجات پورے کرنے لگے تھے۔امی نے پچھلے چالیس برسوں سے شاید ہی کوئی دن بے کاری میں گزارا ہو،پاکستان میں اور دبئی ،امریکہ ،تھائی لینڈ ،سری لنکا ،بالی کئی جگہوں پر ڈرامہ سیریلز شوٹ ہوئے اگر ان کا کام ہوتا تھا تو وہ ہمیں نانی کے پاس چھوڑ کے جاتی تھیں ۔میری شادی بھی جلدی ہو گئی حالانکہ وہ جلدی شادی کر لینے کا نقصان اٹھا چکی تھیں مگر انہوں نے مجھے نہیں روکا اور اللہ کا شکر ہے کہ اس فیصلے میں میرا ساتھ دیا۔“”میں مدر زڈے کا انتظار کئے بغیر ہر روز اور ہر لمحے اپنی ماں کے چہرے پر سکون مسکراہٹ دیکھنا چاہتی ہوں اس لئے کوئی ایسا کام نہیں کرتی جس کا انہیں علم نہ ہویا جس پرو ہ عتراض کردیں ۔میں نے بھارت جا کر بھاگ ملکھا بھاگ اور میرا نائر کی فلم بھی کی۔البم تیار کرائے اور ہمیشہ ماں کی دعا پر یقین رکھا۔اب میراایمان ہے کہ ماں کی دعا آپ کو دنیا کی ہر مشکل سے بچا کے رکھتی ہے۔
فارس شفیع :”
اماں نے مجھے ہر وہ کام کرنے دیا جو میری شخصیت میں اعتماد لا سکتا تھا ۔وہ کئی برس تک ہمارے لئے نان شبینہ کمانے کی فکر میں گم رہیں ۔پھر ایک وقت آیا کہ وسیم عباس صاحب نے ان میں دلچسپی لی تو ہم نے انہیں دوبارہ گھر بسانے پر مجبور کیا۔شکر ہے کہ انہوں نے ہماری بات مان لی۔عباس صاحب کے بیٹے علی عباس بھائیوں کی طرح سے ہمارے ساتھ رہتے ہیں ۔میری ماں بڑی ہمت والی ،خوش اخلاق ،باکردار اور ورسٹائل فنکارہ ہیں ۔ہماری خوش قسمتی ہے وہ کہ ہماری ماں ہیں ۔مدرزڈے کے موقع پر میں اور میشاان کے احسانوں کا شکر بجالاتے ہیں ۔وہ اللہ کی طرف سے ہمارے لئے تحفے سے کم نہیں ہم انہیں تحفہ دے کر حیران بھی کرتے ہیں ۔ہم ایک دوسرے کے لئے وقت نکالتے ہیں اور اس روز کوئی بڑا پروجیکٹ شاذ و نادرہی کرتے ہیں ۔وہ جیسے خوش رہنا چاہیں انہیں خوش کرنے کی کوشش کرتے ہیں وہ میرے ڈراموں اور ویڈیو البمز کی پر خلوص ناقد ہیں اور ہم تینوں بلکہ اب تو عباس انکل کے ساتھ بھی ذہنی رفاقت کے اٹوٹ بندھن میں بندھے ہوئے ہیں ۔
علی عباس اور وسیم عباس
علی عباس درجنوں ڈرامہ سیر یلز میں فرمانبردار بیٹے اور شوہر کا کردار ادا کرتے دیکھے جاتے ہیں ۔اپنے والد وسیم عباس کی شباہت لئے علی کی صلاحیتوں کے بارے میں دورائے نہیں ہو سکتی ۔شائستہ ،مہذب اور پنے کام سے کام رکھنے والے علی نے شادی کے بعد گھر گرہستی الگ جمائی مگر اب بھی وہ اپنے والد، دوسری والدہ اور بہن بھائیوں سے اکثر وبیشتر ملتے ملاتے رہتے ہیں ۔ان کا کہنا ہے کہ ”میں نے بھی میشا اور فارس کی طرح مضبوط خاندان میں آنکھ کھولی ہے ۔میں نے اپنی ساتھی اداکارہ اور ماں کو اتنی عزت اور تکریم دی ہے جتنی مجھ سے توقع کی جارہی تھی۔ہم سب ایک کنبہ بن کر زندگی کو جاری وسار ی رکھے ہوئے ہیں ۔ہمارے رشتے روز افزوں مضبوط اور گہرے ہورہے ہیں ۔“
Browse More Articles of Lollywood
مسرور انور
Masroor Anwar
محبوب عالم
Mehboob Alam
کیفی
Kaifee
تمنا بیگم
Tamanna Begum
آغا طالش
Agha Talish
سورن لتا
Swaran Lata
خیام سرحدی ایک ورسٹائل ایکٹر تھے
Khayyam Sarhadi Aik Versatile Actor The
معروف ہدایت کار لقمان
Famous Director Luqman
پنجابی فلموں کے بے تاج بادشاہ سلطان راہی
Punjabi Filmon Ke Betaaj Badshah Sultan Rahi
موسیقار رشید عطرے
Musician Rasheed Attre
شفیع محمد شاہ
Shafi Muhammad Shah
اقبال حسن
Iqbal Hassan
Famous Showbiz Stars
Michael Showalter
aamir Zaki
Kim Kardashian
Dove Cameron
Naseebo Lal
Michael Jackson
Jeffrey Dean Morgan
Sharmeen Obaid-Chinoy
Sanjay Leela Bhansali
Chand Baral
Cara Buono
Dana Delany
Showbiz News In Urdu
-
بہاولنگر میں پنجاب مقابلہ موسیقی 8 مئی کو ڈی پی ایس میں منعقد ہوگا
-
الحمرا فن کی دنیا میں نام پیدا کرنے کے لئے پلیٹ فارم فراہم کررہا ہے،طارق علی بسرا
-
نینا گپتا اورویوین رچرڈز کی بیٹی مسابا کے ہاں ننھے مہمان کی آمد متوقع
-
50 سال سے زائد عمر کی خواتین سرخ لپ اسٹک لگاتے ہوئے شرماتی ہیں، ٹوئنکل کھنہ
-
فلم کی کمائی کے پہلے چیک سے چائے اور پکوڑے والے کا ادھار چکایا تھا،منوج باجپائی
-
سلمان خان اگلے ماہ فلم سکندر کی شوٹنگ کا آغاز کریں گے
-
بھارتی اداکارہ شلپا شیٹھی کے شوہر کی کروڑوں کی جائیداد ضبط
-
اپنے لیے خود کھڑی ہوں، کہیں سے مدد نہیں آئیگی، مایا خان کا خواتین کو مشورہ