Scarlett Johansson
سکارلیٹ جوہانسن
خوبصورتی اور ذہانت کا بہترین امتزاج
پیر 5 اگست 2019
2018ء میں ہالی ووڈ کی مہنگی ترین اداکارہ کا اعزاز حاصل کرنے والی سکارلیٹ جو ہانسن کا شمار ہالی ووڈ کی پر کشش ترین اداکاراؤں میں ہوتاہے۔سکارلیٹ ہالی ووڈ کی واحد اداکارہ ہیں جنھیں Esquire'sمیگزین نے دوبار پرکشش خاتون کے اعزاز سے نوازاہے جبکہ People'sمیگزین ان کے کیرئیر کے دوران کئی بار”خوبصورت ترین“اداکارہ کا اعزاز دے چکا ہے۔بلاشبہ،سکارلیٹ جو ہانسن بلا کی خوبصورت ہیں،تاہم اگر آپ سمجھتے ہیں کہ ان کی کامیابی محض ان کی خوبصورتی کی مرہون منت ہے تو آپ غلطی پر ہیں۔
جو ہانسن نے بار بار اپنی صلاحیتوں کے ذریعے ثابت کیا ہے کہ ہالی ووڈ میں ان کی کامیابی محض اتفاق نہیں۔انھوں نے The Avengers: Infinity Warمیں مارویل کے مشکل کردار کو انتہائی مہارت اور اعتماد کے ساتھ ادا کیا۔
(جاری ہے)
سکارلیٹ جوہانسن ایک باصلاحیت گھرانے سے تعلق رکھتی ہیں۔ان کی والدہ ایک آرکیٹیکٹ تھیں اور وہ بھی اداکارہ بننے کی خواہش رکھتی تھیں۔جو ہانسن اور ان کے بہن بھائی ایک ایسے گھرانے میں پلے بڑھے جہاں سینما کو”غذا“کی حیثیت حاصل تھی۔جب جو ہانسن8برس کی ہوئیں تو ان کی والدہ نے انھیں Lee Strasberg Theatre Institute for Young Peopleنامی ادارے میں داخل کر وادیا۔
ان کی والدہ کو اس وقت ہی اندازہ ہو چکا تھا کہ ان کی سب سے کم عمر اولاد (سکارلیٹ جو ہانسن)بڑی ہو کر اداکارہ بنانے کی اپنی والدہ کی خواہش کو نہ صرف پورا کرے گی بلکہ ایک دن بڑی اداکارہ بھی بنے گی۔سکارلیٹ جو ہانسن کی بڑی بہن ایک کامیاب ’وائس اوور آرٹسٹ ‘ہیں ،جب کہ سکارلیٹ کا جڑواں بھائی ہنٹرجو ہانسن ایک کامیاب کمیونٹی آرگنائزر ہے اور وہ سابق امریکی صدر بارک اوباما کی انتخابی مہم کا سر گرم رکن بھی رہ چکا ہے۔
اگر سکارلیٹ جوہانسن اداکارہ نہ بنتی تو وہ یقینا ایک کامیاب گلوکارہ ہوتیں۔انھوں نے اپنے 2اسٹوڈیو البمAnywhereاور(2008 I Lay My Head 2009 Break Up)ریلیز کیے۔تاہم جو ہانسن نے گلوکاری کے شوق کو بالکل ترک نہیں کیا۔اپریل2018ء میں انھوں نے Bad Dreamsنامی سنگل جاری کیا ہے۔
سکارلیٹ جو ہانسن کہتی ہیں کہ وہ ڈزنی پرنسز بننا چاہتی ہیں۔”کہتے ہیں کہ جب آپ ایک خواب کو بار بار دیکھتے ہیں تو ایک نہ ایک دن وہ خواب آپ پالتے ہیں۔شاید میں نہیں تو ایک دن میری بیٹی ڈزنی پرنسز ضرور بنے گی“۔کئی طرح کے مشکل اور پیچیدہ کردار ادا کرنے والی سکارٹ جو ہانسن کہتی ہیں کہ انھوں نے فلموں میں تو کئی طرح کے کردار ادا کیے ہیں ،جن کے لیے انھیں کافی مشکل سے تیاری کرنا پڑتی ہے،تاہم ان کی زندگی کا مشکل ترین کردار 2014ء میں اس وقت شروع ہوا جب ان کے ہاں ایک پیاری سی بیٹی’روز ڈوروتھی‘پیداہوئی۔’بلاشبہ یہ لائف ٹائم کردار ہے اور ممکنہ طور پرمیری زندگی کا سب سے مشکل کردار بھی‘۔وہ مزید کہتی ہیں ،’میں یہ دعویٰ نہیں کرتی کہ میں ایک بچی کی ماں بننے کی ساری باتیں جانتی ہوں کیونکہ ورکنگ مدر بننا کافی چیلنجنگ ہوتا ہے ۔یہ ایک ناقابل یقین تحفہ ہے ۔وہ مجھے اپنا سپر ہیرومانتی ہے‘۔جو ہانسن کی بیٹی اتنی غلط بھی نہیں ہے،کیونکہ ہر ماں سپر ہیروہی ہوتی ہے۔
اسکارلیٹ جو ہانسن ہالی ووڈکی’سیاسی طور پر باخبر ‘اداکارہ بھی ہیں اور وہ اس کا کھل کر اظہار کرتی ہیں۔وہ معاشرے میں اپنے اسٹیٹس کو انتہائی ذمہ داری سے استعمال کرنے کا ہنر بھی جانتی ہیں۔سکارلیٹ نے جنوری2017ء میں واشنگٹن میں خواتین کی جانب سے کیے گئے مارچ میں شرکت کی۔اس مارچ میں سکارلیٹ جو ہانسن نے ایک انتہائی طاقتور خطاب بھی کیا۔انھوں نے کہا،’صدرٹرمپ،میں آپ کو بتانا چاہتی ہوں کہ میں نے آپ کو ووٹ نہیں دیا تھا۔میں چاہتی ہوں کہ آپ کو سپورٹ کروں لیکن اس سے پہلے یہ کہیں کہ آپ مجھے سپورٹ کرتے ہیں،آپ میری بہن کو سپورٹ کرتے ہیں،آپ میری ماں کو سپورٹ کرتے ہیں،آپ میری بیٹی کو سپورٹ کرتے ہیں۔
2017ء کے مقابلے میں رواں سال کے دوران سکارلیٹ جو ہانسن کی آمدنی میں تین گنا اضافہ ہوا اور اس اضافے کا کریڈٹ ان کی سپر ہیروموویAvengersکو جاتا ہے ۔اس فلم کی زبردست کامیابی کے باعث وہ 40.5ملین ڈالر کمانے میں کامیاب رہیں اور سال کی سب سے مہنگی اداکارہ ہونے کا اعزاز اپنے نام کیا۔توقع ہے کہ2019ء میں اس سپر ہیروسیریز کی چوتھی فلم کی ریلیز کے ذریعے،سکارلیٹ جو ہانسن آئندہ سال بھی اپنی ٹاپ پوزیشن بر قرار رکھیں گی۔
Browse More Articles of Hollywood
ڈراونی فلمیں، لوگوں کی پسند،خوف اور ڈراونی فلمیں دیکھنے کے فوائد
Daraoni Filmain
92ویں آسکر ایوارڈز 2020
92 Oscars Awards 2020
بافٹا ایوارڈز”1917“ نے میلہ لوٹ لیا
Bafta Award 1917 Ne Meela Loot Liya
جنوبی کوریائی فلم پیرا سائیٹ نے تاریخ رقم کردی
South Korean Movie Perasite Ne Tareekh Raqam Kar Di
دنیا کی خوبصورت ترین خواتین
Dunya Ki Khobsorat Tareen Khawateen
جینیفر لارنس
Jennifer Lawrence
” گیم آف تھرونز“پھر تخت نشیں
Game of thrones phir takhat nasheen
کرسٹن سٹیورٹ خوبصورتی کا استعارہ
kristen stewart - Khobsorti Ka Isteara
جینیفر اینسٹن
jennifer aniston
جینیفر لارنس اب”موب گرل “بنیں گی
jennifer lawrence ab mob girl banain gi
ہاررفلمیں کئی افراد کی قاتل
Horror Filmain Kayi Afrad Ki Qatil
سکارلیٹ جوہانسن
Scarlett Johansson
Famous Showbiz Stars
Aman Trikha
Jennifer Jason Leigh
Ariel Winter
Joseph Gordon-Levitt
Jacob Lofland
Lindy Booth
Moammar Rana
Rashid Mehmood
Asim Raza
noor bhatt
Kelly Macdonald
Dwayne Johnson
Showbiz News In Urdu
-
اداکارہ تمنا بھاٹیہ کو سائبرکرائم سیل نے طلب کرلیا
-
ریمبو اور صاحبہ نے شادی کیلئے وظیفے شروع کر دیئے تھے، جس پر رضا مند ہوگئی، نشو بیگم
-
نازش جہانگیر نے بابر اعظم بارے سکرین شاٹ جعلی قرار دے دیا
-
مدیحہ رضوی نے اپنی دوسری شادی کا اعلان کر دیا
-
ایک شادی سے ہی خوش ہوں، باقی کو بھی ایک پر اکتفا کرنا چاہیے، ابرارالحق
-
کامیڈی کنگ منورظریف کی 48 ویں برسی 29 اپریل کو منائی جائے گی
-
معروف مزاحیہ اداکارکمال احمد رضوی کا 94 واں یوم پیدائش یکم مئی کو منایا جائے گا
-
اداکارہ ایشا دیول کو ہونٹوں کی سرجری کروانا مہنگا پڑگیا