Malika E Tarannum Noor Jehan
ملکہِ ترنم نور جہاں
انہوں نے اپنی شخصیت کی وجہ سے پوری دنیا میں امیدیں اور خوشیاں تقسیم کیں
پیر 17 اپریل 2023
(جاری ہے)
جب وہ غزل پیش کرتیں تو ایسا لگتا جیسے وہ لکھنؤ کی تہذیب میں رچی بسی کوئی نستعلیق روح ہے۔میں بغیر گنے اور وقت کی قید سے آزاد ہو کر اس کی ایک غزل اب بھی اسی محویت سے سنتی ہوں۔
میں ہوں مشتاق جفا مجھ پہ جفا اور سہی/تم ہو بیداد پہ خوش اس سے سوا اور سہی۔برصغیر کی بے پناہ محبوب آواز لتا منگیشکر کہتی ہیں کہ میں نے "ہائے اور محبت " کہنا نور جہاں باجی سے سیکھا ہے۔مگر میں کوئی گلوکارہ نہیں نہ اداکارہ ہاں مگر آواز کی دنیا سے میرا تعلق بس اتنا ہے کہ میں خود ایک وائس اوور آرٹسٹ ہوں میں نے نور جہاں سے زیادہ تاثرات کسی آواز میں نہیں دیکھے۔انہوں نے اپنی شخصیت کی وجہ سے پوری دنیا میں امیدیں اور خوشیاں تقسیم کیں۔بلاشبہ وہ ایک ملکہ تھی ان کی جڑاؤ انگوٹھیاں اور ساڑھیاں دیکھ دیکھ کر ہم نے پہننا اوڑھنا سیکھا۔کچھ حاسدین کہتے نور جہاں کی آنکھیں بہت چھوٹی ہیں اور وہ انہیں نمایاں کرنے کے لئے اوور میک اپ کرتی ہے نور جہاں نے یہاں بھی ایک ادا سے اپنے حاسدین کے منہ بند کر دیئے اور آئی شیڈو سے اپنی آنکھ میں ایسا جادو بھرتی کہ دشمن صرف پھڑک کر مر جانے پر ہی اکتفا کرتا۔ایک نامور محقق اور بہت پیاری شاعرہ نے نور جہاں کے بارے میں بہت تفصیل سے لکھا۔ان کی سب سے خوبصورت بات یہ تھی کہ اپنی ذاتی زندگی کے بارے میں کبھی سرعام شکوہ نہ کیا نہ ہی اپنی ناکام شادیوں پر روتے دھوتے دیکھا گیا ان کا پبلک فیس ہمیشہ زندگی سے بھرپور رہا۔حالانکہ فلم اور انڈسٹری سے جڑے لوگوں کا یہ مزاج ہوا کرتا ہے کہ وہ ایسی باتیں ڈھونڈ کر لاتے ہیں جس سے کسی کا شخصی وقار مجروح ہوتا ہو لیکن نور جہاں چونکہ ایک خاص تہذیب کی نمائندہ تھی لہذا اس نے انڈسٹری کی بے حسی پر کبھی کسی سے کوئی شکایت نہ کی جب وہ اسکرین پر آتی تو ایسا لگتا جیسے نہ اس سے پہلے کوئی تھا اور نہ اس کے بعد کوئی اور ہو گا۔اس کا گھریلو نام اللہ وسائی یا اللہ رکھی تھا جو بعد نور جہاں کے فلمی نام سے تبدیل کر دیا گیا ایسا لگتا جیسے نور جہاں کو زندگی سے بڑی محبت ہے خوشی کے گیت گاتے ہوئے ایک ایسا ماحول بنا دیتی کہ لوگ تادیر اس کے حصار میں رہتے۔میں نے نور جہاں کو زندگی میں بس ایک بار دیکھا جن دنوں وہ سخت بیمار تھیں اور اپنے چیک اپ کے لئے آغا خان اسپتال آئیں ان کا آدھا چہرہ نقاب میں تھا اور وہ وہیل چیئر پر تھیں ایک ڈاکٹر نے بتایا کہ یہ نور جہاں ہیں میری روح جیسے کانپ گئی پیروں تلے زمین نکل گئی ایک نحیف و نزار سراپا آنکھیں لائٹ براؤن آئی شیڈو سے سنواری گئں تھیں مگر وہ بہت کمزور اور لاغر دکھائی دے رہی تھیں ان کی حسین و جمیل بیٹی شازیہ جو سابق اولمپئن حسن سردار کی اہلیہ بھی ہیں چھوٹے چھوٹے قدم بھرتی جا رہی تھی۔لوگ اس وقت نہ تو ان پر پھول نچھاور کر رہے تھے اور نہ ہی ان سے کوئی آٹو گراف لے رہا تھا نہ قدموں میں بیٹھ کر فوٹو گرافس کی فرمائشیں ہو رہی تھیں۔انگوری رنگ کے لباس میں وہ اس دنیا سے منہ چھپائے بیٹھی تھیں جو دنیا انہیں آنکھوں میں بسایا کرتی تھی ان کے ناز و انداز پر ایک زمانہ مر مٹتا تھا۔بہرحال اب جبکہ ملکہ کی برسی قریب ہے تو وہ منظر پھر میری آنکھوں کے سامنے گھوم گیا۔ملکہ اب ہم میں نہیں لیکن دکھ اس بات پر ہوتا ہے جس معاشرے کو،جس خاندان کو ایک تنہا شخص بے شمار خوشیوں سے مالا مال کر دیتا ہے وہ خود اندر سے کتنا تنہا ہوتا ہے یا شاید ہمارے ہاں کا المیہ ہے کہ بڑے آدمی کا کوئی دوست نہیں ہوتا اسے اکلا ہے کے جہنم میں دھکیل دیا جاتا ہے۔نجانے دلوں پر حکمرانی کرنے والی ملکہ کے دل میں کیسی کیسی حسرتیں ہوں گی لیکن وہ بڑی خود دار عورت تھیں اپنے علاج کے لئے انہوں نے لاہور میں واقع اپنی کوٹھی تک بیچ دی تھی۔میری التجا ہے کہ ہم بعد از مرگ اپنے " بڑے لوگوں " کی پوجا کرنے کے بجائے ان کے مجسموں سے اپنے میوزیم سجانے کے بجائے ان کی زندگی میں ان کے لئے کچھ ایسا کر دیں کہ وہ مشکل وقت میں سکھ کا سانس لے پائیں۔ان کے بچپن کے بارے میں چند مصنفین نے لکھا کہ ان کا بچپن نامساعد حالات سے گزرا۔ان کے ماں باپ نے اسے روزگار کی تلاش میں بہت نوعمری میں ہی گانا گنوانا شروع کر دیا تھا انہوں نے گانے سے عشق کیا اور فن سے ٹوٹ کر محبت کی لیکن ان کے آخری ایام بہت تکلیف دہ تھے۔میں نے بڑے سے بڑے گلوکار کو بھی نور جہاں سے زیادہ اچھے انداز میں درست تلفظ کی ادائیگی کرتے نہیں دیکھا میں سمجھتی ہوں کہ اگر وہ باقاعدہ تعلیم حاصل کرتی تو نجانے وہ کس معراج پر ہوتیں میں ہمیشہ ان کے لئے جنت میں ایک محل کی دعا کرتی ہوں کیونکہ ملکہ کا اصل مقام محل ہی ہوا کرتا ہے۔کئی برس پرانی بات یاد آتی ہے جب ان کی بیٹی حنا کی شادی ہوئی تو انگریزی جریدے The Mag نے شادی کی۔کوریج کی انہی تصویروں میں سے ایک تصویر اب بھی مجھے یاد ہے۔نور جہاں کی بیٹی حنا درانی ان کے دوسرے شوہر اعجاز درانی کی بیٹی ہیں اعجاز درانی مرحوم نے نور جہاں سے کھلم کھلا بے وفائی کی اور دونوں میں طلاق ہو گئی جس تصویر کا ذکر کر رہی ہوں نجانے وہ آپ میں سے کتنے لوگوں نے دیکھی ہو گی نور جہاں نے معاشرتی آداب نبھاتے ہوئے اپنی بیٹی کے باپ کو نہ صرف شادی میں مدعو کیا بلکہ ماں باپ نے اکٹھے بیٹی کو وداع کیا وہ تصویر محض تصویر نہیں ایک تازیانہ ہے اس بے وفا اور ہرجائی نظام پر جو خود کو دنیا کی نظر میں معتبر اور معزز ثابت کرتا ہے نور جہاں کے چہرے کا کرب اس تصویر میں اپنے پیار کرنے والوں سے کچھ کہہ رہا تھا بڑے لوگ اپنے دل کی بات نہیں کہہ سکتے اور نہ ہی ہمارے پاس ان کی بات سننے کے لئے کوئی اہتمام ہوا کرتا ہے۔نور جہاں کا ایک اختصاص پنجابی فلمی گیت بھی ہیں یہ گیت ان کے فن سے محبت کرنے والوں کے دلوں پر راج کرتے ہیں مجھے بھی ان میں سے چند گیت بہت پسند ہیں۔ایک گیت ہے سیونی میرا ماہی میرے بھاگ جگاون آ گیا،ماہی آوے گا،دلدار صدقے،اور ایک گیت جو ان کی سوکن مرحومہ فردوس بیگم پر پکچرائزڈ ہوا وہ ہے میں تاں ہو گئی قربان۔نور جہاں کا کوئی نعم البدل نہیں۔ان کا اور پنجابی گیت جدوں ہولی جئی لیناں میرا ناں۔مجھ پر ہمیشہ کچھ نئے معنی وا کرتا ہے میں سمجھتی ہوں عورت کے جتنے خوبصورت روپ نور جہاں میں تھے شاید ہی کہیں اور پائے گئے ہوں۔اس کی آواز کا تصور مخمل کے لباس جیسا ہے دعا ہے کہ وہ اُس دنیا میں بھی راج کرتی ہوں۔آمینBrowse More Articles of Music
امجد بوبی
Amjad Bobby
اسد امانت علی خان
Asad Amanat Ali Khan
مسرور انور
Masroor Anwar
گلوکارہ مالا
Singer Mala
اُستاد بدر میانداد خان قوال
Ustad Badar Miandad Khan Qawal
بخشی وزیر
Bakhshi Wazir
Famous Showbiz Stars
Nicole Scherzinger
Ellie Kemper
Amrita Arora
Shabnam Majeed
Kiran Rao
Sonam Kapoor
noor bhatt
fauzia chaudhry
Elli Avram
Sunny Leone
Atiqa Odho
Faisal Qureshi
Showbiz News In Urdu
-
نامور اردوڈرامہ نگارآغاحشر کاشمیری کی 89ویں برسی 28اپریل کومنائی جائے گی
-
کامیڈی کنگ منور ظریف کی48ویں برسی29اپریل کو منائی جائے گی
-
برصغیر کے نامور اردوڈرامہ نگارآغاحشر کاشمیری کی 89ویں برسی 28اپریل کومنائی جائے گی
-
ایمن خان کی ہمشکل لڑکی کی ڈانس ویڈیو وائرل
-
آج کل کے ڈراموں میں رشتوں کا تقدس پامال کیا جارہا ہے،نعمان اعجاز
-
بشریٰ انصاری کے دوسرے شوہر کی پہلی شادی اینکر فرح سعدیہ سے ہوئی تھی ،ڈاکٹرعمرعادل
-
شاہ رخ خان کی ڈان کے روپ میں واپسی
-
زوہاب خان نے داڑھی بڑھانے کیلئے ٹرانسپلانٹ کروانے کی وجہ بتا دی