سولہ بیس سال کی لڑکی نہیں‘ عمر کے لحاظ سے کردار ادا کرنا پسند کرتی ہوں‘ بپاشا باسو

پیر 19 جون 2017 13:13

ممبئی(اُردو پوائنٹ اخبارتازہ ترین - آئی این پی۔ 19 جون2017ء) بالی ووڈ اداکارہ و بنگالی حسینہ بپاشا باسو نے کہا ہے کہ عمر کے لحاظ سے کردار کرنا پسند کرتی ہوں‘ اب سولہ بیس سال کی لڑکی کا کردار ادا نہیں کرسکتی۔

(جاری ہے)

بھارتی میڈیا کے مطابق گزشتہ روز ایک تقریب میں شرکت کے بعد گفتگو کرتے ہوئے بپاشا باسو نے کہا کہ کبھی بڑے سٹارز دیکھ کر نہیں بلکہ اپنا کردار دیکھ کر فلمیں کی ہیں۔ انہوں نے کہا کہ مجھے اس عمر میں سولہ یا بیس سال کی کالج کی لڑکی کا کردار تو جچے گا نہیں اس لیے میں ایسی فلموں میں کام کرنا پسند نہیں کرتی ہوں۔ ایک سوال پر انہوں نے کہا کہ اتنا لمبا عرصہ فلم انڈسٹری میں گزارنا اس بات کا ثبوت ہے کہ فلم شائقین میرے کام اور مجھے پسند کرتے ہیں۔

وقت اشاعت : 19/06/2017 - 13:13:39

Facebook Twitter Reddit Pinterest Whatsapp