ٹام کروز کی فلم امریکن میڈ کی نئی جھلکیاں جا ری

پیر 21 اگست 2017 12:16

ٹام کروز کی فلم امریکن میڈ کی نئی جھلکیاں جا ری
لاس اینجلس (اُردو پوائنٹ اخبارتازہ ترین - آئی این پی۔ 21 اگست2017ء) ہالی ووڈ سپر سٹار ٹام کروز کی ایکشن اورکامیڈی سے بھرپور نئی تھرلر فلم امریکن میڈکا نئی جھلکیاں جاری کر دی گئیں۔ڈوگ لیمان کی ہدایتکاری میں مکمل ہونیوالی یہ فلم حقیقی واقعات پر مبنی ہے جس میں 1980میں ایک ماہر پائلٹ کو اپنے فرائض کی انجام دہی کے دوران سی آئی اے ایک خفیہ مشن کا حصہ بنا لیتی ہے ۔

(جاری ہے)

سی آئی اے کا مدد گارپائلٹ ڈرگس مافیا کے خلاف ہونیوالے ایک مشن میں جہاں اپنی جان داو پر لگا کر جرائم پیشہ افراد کو پکڑوانے میں مدد کرتا ہے وہیں منی لانڈرنگ، منشیات فروشی اور اسلحے کی غیر قانونی فروخت میں بھی ملوث ہوجاتا ہے اورسی آئی اے کے گلے کی ہڈی بن جاتاہے ۔برائن اولیور اوررون ہاورڈ کی مشترکہ پروڈکشن میں بننے والی اس فلم میں ہالی وڈ اداکار ٹام کروز مرکزی کردارنبھا رہے ہیں جن کے علاوہ فلم کی دیگر کاسٹ میں سارہ رائٹ،ڈوم ہال گلیسن ، جیسی پلیمن ،جائما میے اوراسٹیو کولٹرسمیت کئی اداکار اہم کرداروں میں جلہ گر ہو رہے ہیں۔

ایکشن ، کرائم ، ڈرامہ اورکامیڈی سے بھرپور مناظرکی عکاسی کرتی اس فلم کو80ملین ڈالر بجٹ سے تیار کیا گیا ہے جو یونیورسل پکچرز کے تحت رواں سال 29ستمبر کو سینما گھروں میں دھوم مچانے آرہی ہے۔
وقت اشاعت : 21/08/2017 - 12:16:29

مزید متعلقہ خبریں پڑھئیے‎ :

متعلقہ عنوان :