پریانکااوردیپیکا کریں تو ٹھیک اور ہم کریں تو فحاشی،

زرین خان پھٹ پڑیں فلم ’’اکثر2‘‘ 6اکتوبر کو نمائش کیلئے پیش کی جائے گی‘زرین خان اور اداکارگوتم مرکزی کردار ادا کرینگے ْسلمان خان کے ساتھ اداکاری کا آغاز کرنے کے باوجود میرا کیرئیر مسائل کا شکار رہا،زرین خان

جمعہ 22 ستمبر 2017 12:10

پریانکااوردیپیکا کریں تو ٹھیک اور ہم کریں تو فحاشی،
ممبئی(اُردو پوائنٹ اخبارتازہ ترین - این این آئی۔ 22 ستمبر2017ء) بالی ووڈ اداکارہ زرین خان نے اپنے ساتھ ہونے والی ناانصافی پر بھڑکتے ہوئے کہا ہے کہ بالی ووڈ میں ان کے ساتھ دوہرا معیار اپنایا گیا ہے۔سلمان خان جیسے سپراسٹار کے ساتھ فلم ’ویر‘ کے ذریعے کیرئیر کا آغاز کرنے کے باوجود اداکارہ زرین خان کا شمار بالی ووڈ کی ناکام اداکاراؤں میں ہوتا ہے،فلم’’ اکثر 2‘‘ کسی بھی طرح غیر اخلاقی فلم نہیں ہے،فلم میں زرین خان کے ساتھ ٹی وی اداکار گوتم مرکزی کردار میں نظر آئیں گے جب کہ فلم 6 اکتوبر کو نمائش کے لیے پیش کی جائے گی۔

اپنے ایک انٹرویو کے دوران زرین خان نے اس بات کا اعتراف کیا کہ سلمان خان کے ساتھ اداکاری کا آغاز کرنے کے باوجود میرا کیرئیر مسائل کا شکار رہا ، لوگوں کو پہلی فلم حاصل کرنے کے لیے جدوجہد کرنی پڑتی ہے لیکن مجھے اپنی پہلی فلم کی ریلیز کے بعد جدوجہد کرنی پڑی، زیادہ وزن کے باعث مجھے مذاق کا نشانہ بنایا گیا اور کہا گیا کہ میں دوسری اداکاراؤں کی طرح نہیں دکھتی کیونکہ میرا وزن زیادہ ہے۔

(جاری ہے)

اس کے بعد تو میرا وزن بھارت کا قومی مسئلہ بن گیا، جب کہ چند برس بعد جب دوسری اداکاراؤں نے وزن بڑھایا تو انہیں نہ صرف سراہا گیا بلکہ ان کی تعریف بھی کی گئی پھر میرے ساتھ دوہرا معیار کیوں اپنایا گیا، بڑھے ہوئے وزن کے باعث مجھے تنقید کا نشانہ بنایا گیا کہ میں کیسی نظر آتی ہوں میرے کپڑے کیسے ہیں وغیرہ میرا گھر سے باہر نکلنا تک مشکل ہوگیا یہاں تک کہ مجھے فلموں میں کام ملنا بھی بند ہوگیا۔

زرین نے کہا کہ افسوس کی بات ہے لوگ یہاں فن سے نہیں بلکہ وزن سے آپ کے ہنر کا اندازہ لگاتے ہیں ، میں اپنے بڑھے ہوئے وزن کی وجہ سے اے گریڈ فلموں کا حصہ نہیں بن سکی ، زرین خان نے اے گریڈ اداکاراؤں جیسے دپیکا پڈوکون ، پریانکا چوپڑا ، ایشوریا رائے وغیرہ کوتنقید کا نشانہ بناتے ہوئے کہا کہ بڑے بینر کی فلموں میں اگر یہ اداکارائیں غیر اخلاقی سین کرتی ہیں تو نہ صرف ان کی تعریف کی جاتی ہے۔
وقت اشاعت : 22/09/2017 - 12:10:41

Rlated Stars :

مزید متعلقہ خبریں پڑھئیے‎ :

متعلقہ عنوان :