کیٹ ونسلیٹ جنگ عظیم دوئم کی فوٹوگرافر بنیں گی

جنگ عظیم دوئم کی ہولناکیوں کی رپورٹنگ کرنے والی خواتین صحافیوں پر بننے والی فلم کا نام تاحال فائنل نہیں کیا گیا فلم کی شوٹنگ 2018 میں شروع کردی جائے گی ،ْ فلم کو ٹوری لم اور اینڈریو میسن پروڈیوس کریں گے

ہفتہ 23 ستمبر 2017 11:46

کیٹ ونسلیٹ جنگ عظیم دوئم کی فوٹوگرافر بنیں گی
لاس اینجلس (اُردو پوائنٹ اخبارتازہ ترین - این این آئی۔ 23 ستمبر2017ء) آسکر ایوارڈ یافتہ ہولی وڈ اداکارہ کیٹ ونسلیٹ آنے والی فلم میں جنگ عظیم دوئم کی ہولناکیوں کو کیمرے میں قید کرنے والی امریکی فوٹوگرافر کا کردار ادا کرتی نظر آئیں گی۔جنگ عظیم دوئم کی ہولناکیوں کی رپورٹنگ کرنے والی خواتین صحافیوں پر بننے والی اس فلم کا نام تاحال فائنل نہیں کیا گیا۔

فلم میں جنگ عظیم دوئم اور سرد جنگ کے دوران رپورٹنگ کرنے والی ایک سے زائد خواتین کی جدوجہد اور کہانیوں کو دکھایا جائیگا۔ہولی وڈ رپورٹس کے مطابق کیٹ ونسلیٹ نے ’ای ون‘ کی جانب سے ریلیز ہونے والی بائیوگرافی فلم کو جوائن کرلیا۔کیٹ ونسلیٹ فلم میں معروف میگزین ’ووگ‘ کی امریکی فوٹوگرافر ایلزبیتھ لی ملر کا کردار ادا کرتی نظر آئیں گی۔

(جاری ہے)

خیال رہے کہ ایلزبیتھ لی ملر جنہیں لیڈی پینروز کے نام سے بھی پکارا جاتا ہے ،ْ انہوں نے 1920 میں فیشن ماڈل کے طور پر اپنے کیریئر کا اغاز کیا بعد ازاں انہوں نے فیشن آرٹ کی فوٹوگرافی شروع کی۔جنگ عظیم دوئم کے دوران انہوں نے معروف میگزین ’ووگ‘ کے لیے جنگ کے دوران رپورٹنگ کرنے کی خدمات سر انجام دیں ،ْانہوں نے نازی جرمن کے حراستی کیمپوں سمیت جنگ کے ہولناک مناظر کو کیمرے میں قید کیااور ان کی تصاویر نے دنیا بھر میں شہرت حاصل کی۔

وہ 70 برس کی عمر میں 1977 میں برطانیہ میں چل بسیں تھیں ،ْان کی خدمات کے پیش نظر ایڈنبرگ میں ان کے کیے گئے کام پر آرکائیو لائبریری بنائی گئی۔ایلزبیتھ لی ملر کی زندگی پر شائع کتاب دی لائیوز آف لی ملر کے مالکانہ حقوق ان کے بیٹے اینٹونی پینروز کے پاس ہیں، ممکنہ طور پر ان کی کہانی اسی کتاب سے لی جائیگی۔خیال کیا جا رہا ہے کہ فلم کی شوٹنگ 2018 میں شروع کردی جائے گی، فلم کو ٹوری لم اور اینڈریو میسن پروڈیوس کریں گے۔فلم کو ای ون پروڈکشن ہاؤس کے بینر تلے ریلیز کیا جائیگا ،ْ ممکنہ طور پر فلم میں ایلزبیتھ لی ملر کے علاوہ جنگ عظیم دوئم اور سرد جنگ کے دوران رپورٹنگ کرنے والی دیگر خواتین صحافیوں کے کرداروں کو بھی دکھایا جائیگا۔
وقت اشاعت : 23/09/2017 - 11:46:32

مزید متعلقہ خبریں پڑھئیے‎ :

متعلقہ عنوان :