لائیو کنسرٹ نہ ہونے کی وجہ سے بہت سے گلوکار گھروں میں فارغ بیٹھے ہیں ‘ حمیرا ارشد

منگل 17 اکتوبر 2017 13:59

لاہور (اُردو پوائنٹ اخبارتازہ ترین - این این آئی۔ 17 اکتوبر2017ء) گلوکارہ حمیرا ارشد نے کہا ہے کہ لائیو کنسرٹ نہ ہونے کی وجہ سے بہت سے گلوکار گھروں میں فارغ بیٹھے ہیں ، ملک کے حالات اب بہتر ہو چکے ہیں ، حکومت آرٹ اور ثقافت کے فروغ کے لئے عملی اقدامات کرے ۔

(جاری ہے)

انہوں نے ’’ این این آئی‘‘ سے خصوصی گفتگو کرتے ہوئے کہا کہ پہلے صوبائی دارلحکومت لاہور میں لائیو کنسرٹ ہوتے تھے مگر دہشت گردی کی وجہ سے یہ سلسلہ رک گیا مگر اب حالات بہت بہتر ہو چکے ہیں اس لیے سرکاری سطح پر ایسے پروگراموں کا انعقاد ہونا ضروری ہے جس میں گلوکاروں کو اپنی لائیو پرفارمنس دکھانے کا موقع مل سکے ۔

حمیرا ارشد نے کہا کہ اہل لاہور کو لائیو پرفارمنس دیکھے مدتیں گزر چکی ہیں اور اب کسی گلوکار کا البم بنانے سے پیٹ نہیں بھرتا ۔ حکومت کو چاہیے کہ آرٹ اور ثقافت کے فروغ کے لئے عملی اقدامات کرے اور ہر ہفتے عوام کی تفریح کے لئے میوزیکل کنسرٹ کا اہتمام کرے تاکہ شہریوں کو ذہنی طور پر اچھی تفریح میسر آسکے۔

وقت اشاعت : 17/10/2017 - 13:59:28

Facebook Twitter Reddit Pinterest Whatsapp

لائیو کنسرٹ نہ ہونے کی وجہ سے بہت سے گلوکار گھروں میں فارغ بیٹھے ہیں ‘ حمیرا ارشد

Famous Showbiz Stars

Showbiz News In Urdu