فلموں میں بہت اچھی کامیڈی کر سکتی ہوں ، کردار ملے تو سب کو حیران کر دوں ‘ فلمسٹار میرا

لاہور(اُردو پوائنٹ اخبارتازہ ترین - این این آئی۔ 19 نومبر2017ء) فلمسٹار میرا نے کہا ہے کہ میں فلموں میں بہت اچھی کامیڈی کر سکتی ہوں ، کردار ملے تو سب کو حیران کر دوں ، فلم انڈسٹری کو خیر آباد نہیں کہا بہت جلد میں ایک بڑے پراجیکٹ میں کام کرتی نظر آئوں گی ۔

(جاری ہے)

انہوں نے ایک انٹرویو کے دوران کہا کہ آج کے دور میں ہر لڑکی میرا بننا چاہتی ہے لیکن ان کویہ علم نہیں کہ میں نے کس قدر محنت سے موجودہ مقام حاصل کیا ہے ،اگر کوئی دو تین فلمیں کرنے کے بعد یہ خیال کرے کہ میں میرا کے مد مقابل آگئی ہوں تواس کو دیوانہ کی بھڑک ہی کہا جاسکتاہے ۔

انہوںنے کہا کہ میں نے فلم انڈسٹری کو خیر آباد نہیں کہا بہت جلد میں ایک بڑے پراجیکٹ میں کام کرتی نظر آئوں گی ۔ انہوںنے ایک سوال کے جواب میں کہاکہ میں فلموں میں بہت اچھی کامیڈی کرسکتی ہوں لیکن مجھے فلموں میں کامیڈی کردار نہیں دیئے جاتے، اگر مجھے فلموں میں مزاحیہ کردار دیا جائے تو میں سب کو حیران کردوں ۔