اداکارہ زائرہ وسیم کا جنسی ہراساں کا الزام بے بنیاد قرار

ممبئی (اُردو پوائنٹ اخبارتازہ ترین - این این آئی۔ 14 دسمبر2017ء) اداکارہ زائرہ وسیم کی طرف سے دورانِ پرواز جنسی طور پر ہراساں کیے جانے کے الزام کے بعد ملزم کو گرفتار کرلیا گیا ہے لیکن اب اس معاملے میں ملزم کی اہلیہ اور ایک ساتھی مسافر بھی سامنے آگئے ہیں جنہوں نے اداکارہ کے الزام کو بے بنیاد قرار دیا ہے۔اداکارہ زائرہ وسیم کے ساتھ سفر کرنے والے ایک مسافر نے بھارتی اخبار کو بتایا کہ ملزم وِکاس سچ دیوا جہاز میں اپنی نشست پر بیٹھتے ہی سوگیا تھا ۔

اس کی صرف اتنی سی غلطی ہے کہ اس نے اپنا پائوں زائرہ وسیم کی کرسی کے ہاتھ پر رکھ دیا تھا جس پر اداکارہ غصے میں اس پر چلائیں جس کے بعد اس نے معذرت کی اور جہاز لینڈ کرنے سے پہلے ہی معاملہ ختم ہوگیا۔اس سے قبل وِکاس سچ دیوا کی اہلیہ نے بھی اپنے خاوند کی بے گناہی کے حق میں گواہی دی اور کہا کہ ان کا شوہر دہلی میں اپنے انتقال کرجانے والے ماموں کی آخری رسومات میں شرکت کے بعد واپس آرہا تھا، اس لیے وہ اس قسم کی حرکت کا تصور بھی نہیں کرسکتا ۔

(جاری ہے)

’میری آنکھ کھلی تو میں نے دیکھا کہ اس کا خوبصورت پائوں میری کمر اور گردن سہلا رہا ہے‘ زائرہ وسیم نے روتے ہوئے ایسی بات کہہ دی کہ ویڈیو دیکھ کر آپ کو بھی غصہ آجائے گا-واضح رہے کہ ہفتے اور اتوار کی درمیانی شب دہلی سے ممبئی جانے والی وستارا ایئر لائن کی پرواز کے دوران دنگل کی اداکارہ زائرہ وسیم کو مبینہ طور پر جنسی ہراسگی کا سامنا کرنا پڑا تھا۔ انہوں نے اپنے ساتھ پیش آنے والے واقعے کی ویڈیو سوشل میڈیا پر شیئر کی تھی جس پرہنگامہ برپا ہوگیا اور جہاز کے ٹکٹ سے شناخت کرکے ممبئی کے 39 سالہ بزنس مین وکاس سچ دیوا کو ان کے گھر سے گرفتار کرلیا گیا تھا۔