آج کل ٹی وی ڈراموں میں نئے ٹیلنٹ کو ابھرنے کے بھرپور مواقع مل رہے ہیں ‘ بشریٰ انصاری

جمعرات 22 فروری 2018 12:50

لاہو ر(اُردو پوائنٹ اخبارتازہ ترین - این این آئی۔ 22 فروری2018ء) سینئر اداکارہ بشریٰ انصاری نے کہا ہے کہ آج کل ٹی وی ڈراموں میں نئے ٹیلنٹ کو ابھرنے کے بھرپور مواقع مل رہے ہیں جو بڑی خوش آئند بات ہے ۔ انہوں نے ایک انٹرویو کے دوران کہا ک دل کے معاملے میں بالکل آئینے کی مانند ہوں جو دل میں ہوتا ہے وہ منہ پر کہہ دیتی ہو،مجھے منافقت نہیں آتی اور منافق لوگوں سے چڑ کھاتی ہوں ۔

اپنی صاف گوئی کواپنی خوبی سمجھتی ہوں ۔

(جاری ہے)

انسان جیسا اندر سے ہو ایسا ہی باہر سے بھی ہونا چاہیے ۔ انہوںنے کہا کہ ہمار ا ٹی وی ڈرامہ بھارتی ٹی وی ڈراموں کے مقابلے میں بہت آگے ہے اور اس روایت کو پی ٹی وی سے لیکر پرائیویٹ چینلز نے بھی آگے بڑھایا ہے ۔ایک سوال کے جواب میں انہوں نے کہا کہ آج کل ٹی وی ڈراموں میں نئے ٹیلنٹ کو ابھرنے کے بھرپور مواقع مل رہے ہیں ۔انہوں نے کہا کہ موجودہ مقام تک آنے کے لئے جس طرح انتھک محنت کی خدا کی ذات نے مجھے اس کا صلہ بھی دیا لیکن اس کے ساتھ میں میڈیا کے کردار کو فراموش نہیں کر سکتی ۔

وقت اشاعت : 22/02/2018 - 12:50:07

Facebook Twitter Reddit Pinterest Whatsapp

آج کل ٹی وی ڈراموں میں نئے ٹیلنٹ کو ابھرنے کے بھرپور مواقع مل رہے ہیں ‘ بشریٰ انصاری

Famous Showbiz Stars

Showbiz News In Urdu