شاہ رخ کی بیٹی کو بالی ووڈ میں پہلا پروجیکٹ مل گیا

ممبئی(اُردو پوائنٹ اخبارتازہ ترین - این این آئی۔ 14 مارچ2018ء) بالی ووڈ کنگ شاہ رخ خان کی بیٹی سہانا خان کو اپنے کیریئر کا پہلا پروجیکٹ مل گیا۔بالی ووڈ کے کنگ شاہ رخ خان جو اپنی رومانوی اداکاری کی وجہ سے اپنی مثال آپ ہیں تو وہیں اٴْن کی بیٹی سہانا خان بھی سوشل میڈیا پر کسی اسٹار سے کم نہیں اور وہ اکثر انسٹا گرام پر پوسٹ کی گئیں تصویروں کی وجہ سے خبروں کی زینت بنی رہتی ہیں لیکن اب انھیں اپنے کیریئر کا پہلا پروجیکٹ مل گیا ہے۔

بھارتی میڈیا رپورٹس کے مطابق بالی ووڈ کے کنگ شاہ رخ خان کی اہلیہ گوری خان نے حال ہی میں ایک نجی چینل کو دیئے گئے انٹرویو میں اپنی بیٹی سہانا خان کے پہلے پروجیکٹ سے متعلق انکشاف کرتے ہوئے کہا کہ’ سہانا اپنے کیریئر کا پہلا پروجیکٹ ایک میگزین کے ساتھ کر رہی ہیں جس کا نام بتانا اس وقت مناسب نہیں جب کہ یہ سال سہانا کو پہلا پروجیکٹ ملنے کی وجہ سے میرے نزدیک بہت اہمیت کا حامل ہے۔

(جاری ہے)

اس سے قبل شاہ رخ خان نے اپنے بچوں کے شوق سے متعلق انٹرویو میں کہا تھا کہ سب سے پہلے تعلیم مکمل کرنا وقت کی ضرورت ہے پھر اٴْس کے بعد اپنا شوق پورا کریں جب کہ سہانا کو اداکارہ بننے کا بہت شوق ہے اور اٴْس میں وہ جذبہ بھی ہے، میں خود بھی اٴْس کی پرفارمنس سے بہت متاثر ہوں لیکن میں ہمیشہ یہی بات کہتا ہوں کہ کچھ بھی کرنے سے قبل تعلیم بہت ضروری ہے۔